________________ 804 अंग-पविट्ट सुत्ताणि मंखलिपुत्ते जिणे जिणप्पलावी जाव जिणसई पगासेमाणे विहरइ, गोसाले णं मंखलिपुत्ते अजिणे जिणप्पलावी जाव पगासेमाणे विहरई / तए णं सा महइ. महालिया महच्चपरिसा जहा सिवे जाव पडिगया / तए णं सावत्थीए णय. रोए सिंघाडग जाव बहुजणो अण्णमण्णस्त जाव परूवेइ-जण्णं देवाणुप्पिया! गोसाले मंखलिपुत्ते जिणे जिणप्पलावी जाव विहरइ तं मिच्छा, समणे भगवं महावीरे एवं आइक्ख इ जाव परूवेइ- एवं खलु तस्स गोसालस्स मंखलिपुत्तस्स मंखली णामं मंखे पिया होत्था, तए णं तस्स मंखलिस्स एवं तं चेव सव्वं भाणियव्वं जाव अजिणे जिणप्पलावी जिणसई पगासेमाणे विहरइ, तं णो खलु गोसाले मंखलिपुत्ते जिणे जिणप्पलावी जाव विहरइ, गोसाले मंखलियुत्ते अजिणे जिणेप्पलावी जाव विहरइ, समणे भगवं महा. वीरे जिणे जिणप्पलावी जाव जिणसई पगासेमाणे विहरइ। तए णं से गोसाले मंखलिपुत्ते बहुजणस्स अंतियं एयमढं सोच्चा णिसम्म आसुरुत्ते जाव मिसि. मिसेमाणे आयावणभमीओ पच्चोरहइ आयावणभूमीओ पच्चोरुहइत्ता सात्थि णरि मज्झमझेणं जेणेव हालाहलाए कुंभकारीए कुंभकारावणे तेणेव उवा. गच्छइ उवागच्छित्ता हालाहलाए कुंभकारीए कुंभकारावणंसि आजीवियसंघ. संपरिवडे महया अमरिसं वहमाणे एवं वावि विहरइ // 545 // तेणं कालेणं तेणं समएणं समणस्स भगवओ महावीरस्स अंतेवासी आणंदे णाम थेरे पगइभद्दए जाव विणीए छठंछठेणं अणिक्खित्तेणं तवोकम्मेणं संजमेणं तवसा अप्पाणं भावेमाणे विहरइ / तए गं से आणंदे थेरे छटक्खमणपारणगंसि पढमाए पोरि. सीए एवं जहा गोयमसामी तहेव आपुच्छइ, तहेव जाव उच्चणीयमज्झिम० जाव अडमाणे हालाहलाए कुंभकारीए कुंभकारावणस्स अदूरसामंतेणं वीईवयइ / तए णं से गोसाले मंखलिपुत्ते आणंदं थेरं हालाहलाए कुंभकारीए कुंभकारावणस्स अदूरसामंतेणं वीईवयमाणं पासइ 2 ता एवं वयासी-एहि ताव आणंदा ! इओ एगं महं उवमियं णिसामेहि / तए णं से आणंदे थेरे गोप्तालेणं मंखलि. पुत्तेणं एवं वुत्ते समाणे जेणेव हालाहलाए कुंभकारीए कुंभकारावणे जेणेव गोसाले मंखलिपुत्ते तेणेव उवागच्छइ / तए णं से गोसाले मंखलिपुत्ते आणंदं थेरं एवं वयासी-एवं खलु आणंदा ! इओ चिराईयाए .अद्धाए केइ उच्चाक्या वणिया अत्थत्थी अत्थलुद्धा अत्थगवेसी अत्थकंखिया अत्थपिवासा
