________________ भगवई स. 15 णाम अणगारे पगइभद्दए तं चेव सव्वं भाणियव्वं जाव परुण्णे, तं गच्छह णं अज्जो ! तुन्भे सीहं अणगारं सहह / तए णं ते समणा णिग्गंथा समणेणं भगवया महावीरेणं एवं वृत्ता समाणा समणं भगवं महावीरं वंदंति णमंसंति वं०२ त्ता समणस्स भगवओ महावीरस्स अंतियाओ सालकोट्ठयाओ चेइयाओ पडिणिवखमंति सा० 2 ता जेणेव मालयाकच्छए जेणेव सीहे अणगारे तेणेव उवागच्छंति 2 ता सीहं अणणारं एवं वयासी-सीहा ! धम्मायरिया सद्दावेति / तए णं से सीहे अणगारे समहिं णिग्गंथेहिं सद्धि मालुयाकच्छयाओ पडिणिक्खमइ 2 ता जेणेव सालकोट्ठए चेइए जेणेव समणे भगवं महावीरे तेणेव उवागच्छइ 2 ता समणं भगवं महावीरं तिक्खत्तो आयाहिणं 2 जाव पज्जुवासइ / सीहाइ ! समणे भगवं महावीरे सीहं अणगारं एवं वयासी-से णणं ते सीहा ! झाणंतरियाए वट्टमाणस्स अयमेयारूवे जाव परुण्णे, से णणं ते सोहा ! अढे समठे ? हंता अत्थि, तं णो खल अहं सीहा ! गोसालस्स मंखलिपुत्तस्स तवेणं तेएणं अण्णाइट्ठे समाणे अंतो छण्हं मासाणं जाव कालं करेस्सं, अहण्णं अण्णाई अद्धसोलसवासाइं जिणे सुहत्थी विहरिस्सामि / तं गच्छह णं तुमं सीहा ! मैंधियगामं जयरं रेवईए गाहावइणीए गिहे, तत्थ णं रेवईए गाहावइणीए ममं अट्ठाए दुवे कवोयसरीरा उवक्खडिया तेहिं जो अट्ठो अस्थि से अण्णे पारियासिए मज्जारकडए कुक्कुडमंसए तमाहराहि एएणं अट्ठो / तए णं से सीहे अणगारे समणेणं भगवया महावीरेणं एवं वुत्ते समाणे हतुटू जाव हियए सम भगवं महावीरं वंदइ णमंसइ वंदित्ता णमंसित्ता अतुरियमचवलमसंभंतं मुहपोत्तियं पडिलेहेइ मु० २त्ता जहा गोयमसामी जाव जेणेव समणे भगवं महावीरे तेणेव उवागच्छइ 2 ता समणं भगवं महावीर वंदद णमंसह वं० 2 ता समणस्स भगवओ महावीरस्स अंतियाओ सालकोटयाओ चेइयाओ पडिणिक्खमइ 2 ता अतुरिय जाव जेणेव मेंढियगामे णयरे तेणेव उवागच्छइ 2 ता मेंढियगामं जयरं मझमझेणं जेणेव रेवईए गाहा. वइणीए गिहे तेणेव उवागच्छइ 2 ता रेवईए गाहावइणीए गिह अणुप्पविढे / तए णं सा रेवई गाहावइणी सीहं अणगारं एज्जमाणं पासइ 2 ता हट्ठतुट्ठ० खिप्पामेव आसणाओ अब्भुठेइ 2 ता सोहं अणगारं सत्तटुपयाइं अणुगच्छइ स० 2 ता तिक्खुत्तो आयाहिणं पयाहिणं० वंदइ णमंसइ वं० 2 ता एवं क्यासी-संदिसंतु णं देवाणुप्पिया ! किमागमणप्पओयणं ? तए णं से सोहे
