________________ आयारो सु. 2 अ. 3 उ. 2 णिद्धं वा कायं णो आमज्जेज्ज वा पमज्जेज्न वा, अह पुण एवं जाणिज्जा विगओदए मे काए छिण्णसिणेहे तहप्पगारं कायं आमजेज वा जाव पयावेज वा, तओ संजयामेव गामाणुगाम दूइज्जेज्जा // 750 // से भिक्खू वा 2 गामाणुगामं दूइज्जमाणे णो मट्टियामएहिं पाए हिं हरियाणि छिंदिय 2 विकुज्जिय 2 विफालिय 2 उम्मग्गेणं हरियवहाए गच्छेजा "जहेयं पाएहिं मट्टियं खिप्पामेव हरियाणि अवहरंतु" माइट्ठाणं संफासे णो एवं करेज्जा से पुत्वामेव अप्पहरियं मग्गं पडिलेहेज्जा, तओ संजयामेव गामाणुगामं दूइज्जेज्जा ||751 // से भिक्खू वा 2 गामाणुगामं दूइज्जमाणे अंतरा से वप्पाणि वा, फलिहाणि वा, पागाराणि वा, तोरणाणि वा, अग्गलाणि वा, अग्गलपासगाणि वा, गड्डाओ वा, दरीओ वा, सइ परक्कमे संजयामेव परक्कमेज्जा, णो उज्जुयं गच्छेजा केवली बूया 'आयाणमेयं' से तत्थ परक्कममाणे पयलेज वा पवडेज्ज वा / / 752 // से तत्थ पयलमाणे वा, पवडेमाणे वा, रुक्खाणि वा, गुच्छाणि वा, गुम्माणि वा, लयाओ वा, वल्लीओ वा, तणाणि वा, गहणाणि वा, हरियाणि वा, अवलंबिय. 2 उत्तरेज्जा, जे तत्थ पाडिपहिया उवागच्छंति, ते पाणी जाएज्जा, तओ संजयामेव अवलंबिय 2 उत्तरेजा, तओ संजयामेव गामाणुगामं दूइज्जेज्जा / / 753 // से भिक्खू वा 2 गामाणुगाम दूइज्जमाणे अंतरा से जवसाणि वा, सगडाणि वा, रहाणि वा, सचक्काणि वा, परचक्काणि वा, से णं वा विरूवरूवं संणिविढे पेहाए सइ परक्कमे संजयामेव परक्कमेजा णो उज्जुयं गच्छेज्जा / / 754 // से ण परो सेणागओ वएज्जा, आउसंतो एसणं समणे सेणाए अभिणिवारियं करेइ, से णं बाहाए गहाय आगसह सेणं परो बाहाहिं गहाय आगसेज्जा, तं णो सुमणे सिया जाव समाहीए तओ संजयामेव गामाणुगामं दूइज्जेज्जा // 755 / / से भिक्खू वा 2 अंतरा से पाडिवहिया उवागच्छेज्जा तेणं पाडिवहिया एवं वएज्जा आउसंतो ! समणा ! केवइए एस गामे वा जाव रायहाणी वा ? केवइया एत्थ आसा हत्थी गामपिंडोलगा मगुस्सा परिवसंति ? से बहुभत्ते बहुउदए बहुजणे बहुजवसे ? से अप्पुदए अप्पभत्ते अप्पजणे अप्पजवसे ? एयप्पगाराणि पसिणाणि पुट्टो णो आइक्खेज्जा, एयपगाराणि पसिणाणि णो पुच्छेज्जा // 56 // एयं खलु तस्स भिक्खुस्स भिकावुणिए वा सामग्गियं // 757 / / इरियाज्झयणे बीओइसो समत्तो॥
