________________ अंग-पविट्ठ सुत्ताणि सयं चेव णं अहं णावाओ उदगंसि ओगाहिस्सामि,' से णेवं वयंत परो सहसा बलसा बाहाहिं गहाय णावाओ उदगंसि पक्खिविज्जा तं णो सुमणे सिया णो दुम्मणे सिया णो उच्चावयं मणं णियंछिज्जा, णो तेसिं बालाणं छायए वहाए समुट्ठिज्जा, अप्पुस्सुए जाव समाहिए तओ संजयामेव उदगंसि पविजिज्ञा / / 741 // से भिक्खू वा 2 उदगंसि पवमाणे णो हत्थेण हत्थं पाएण पायं काएण कायं आसाएज्जा, से अणासायणाए अणासायमाणे तओ संजयामेव उदगंसि पविज्जा / / 742 // से भिक्खू वा 2 उदगंसि पवमाणे णो उम्मुग्गणिम्मुग्गियं करिज्जा, मामेयं उदग कण्णेसु वा अच्छीसु वा णकसि वा मुहंसि वा परियावजिज्जा, तओ संजयामेव उदगंसि पविजा // 743 // से भिक्खू वा 2 उदगंसि पवमाणे दोब्बलियं पाउणिज्जा खिप्पामेव उवहिं विगिंचिज वा विसोहिज्ज वा, णो चेवणं साइजिज्जा अह पुण एवं जाणिज्जा पारए सिया उदगाओ तीरं पाउणित्तए तओ संजयामेव उदउल्लेण वा ससिणिद्धेण वा काएण उदगतीरे चिट्ठिज्जा // 744 / / से भिक्खू वा 2 उदउल्लं वा ससिणिद्धं वा कायं णो आमज्जिज्ज वा पमज्जिज्ज वा संलिहिज्ज वा णिल्लिहिज्ज वा उव्वलिज्ज वा उव्यट्टिज्ज वा, आयाविज्ज वा पयाविज्ज वा, अह पु० विगओदओ में काए छिण्णसिणेहे काए तह० कायं आम० जाव पयाविज्ज वा० तओ संजयामेव गामाणुगामं दूइज्जेज्जा ॥७४५॥से भिक्खू वा 2 गामाणुगाम दूइज्जमाणे णो परेहिं सद्धिं परिजविय परिजविय गामाणुगाम दूइन्जिज्जा, तओ संजयामेव गामाणुगामं दुइजिज्जा / / 746 // से भिक्खू वा 2 गामाणुगामं दृइज्जमाणे अंतरा से जंघासंतारिमे उदए सिया से पुवामेव ससीसोवरियं कायं पाए य पमज्जेज्जा पमज्जित्ता जाव एग पायं जले किच्चा एग पायं थले किच्चा तओ संजयामेव जंघासंतारिमे उदए अहारियं रीएज्जा / / 747 // से भिक्खू वा 2 जंघासंतारिमे उदए अहारियं रीयमाणे णो हत्थेण वा हत्थं पाए ण वा पायं काएण वा कायं आसाएजा, से अणासायए अणासायमाणे तओ संजयामेव जंघासंतारिमे उदए अहारियं रीए ज्जा // 748 // से भिक्खू वा 2 जंघासंतारिमे उदए अहारिय रीयमाणे णो सायावडियाए णो परिदाहवडियाए महइमहालयंसि उदगंसि कायं विउसिज्जा, तओ संजयामेव जंघासंतारिमे उदए अहारियं रीएज्जा, अह पुण एवं जाणिज्जा पारए सिया उदगाओ तीरं पाउणित्तए तओ संजयामेव उदउल्लेण वा ससिणिद्धेण वा काएण उदगतीरे चिढेज्जा // 749 // से भिक्खू वा 2 उदउल्लं वा कार्य ससि
