________________ आयारो सु. 2 अ. 3 उ. 2 67 स्सामो'' णो से तं परिणं परिजाणेजा तुसिणीओ उवेहेज्जा // 733 / / से णं परो णावागओ णावागयं वएज्जा आउसंतो समणा ! एयं ता तुमं णावं आलित्तेण वा, पीढेण वा वसेण वा वलएण वा अवलुएण वा वाहेहि णो से यं परिणं परिजाणिज्जा तुसिणीओ उवेहेज्जा // 734 // से णं परो णावागओ णावागयं वए जा “आउसंतो समणा ! एयं ता तुमं णावाए उदयं हत्थेण वा पाएण वा मत्तेण वा पडिग्गहेण वा णावा उस्सिंचणेण वा उस्सिंचाहि / " णो से तं परिणं परिजाणिज्जा तुसिणीओ उवेहेज्जा // 73 // से णं परो णावागओ णावागयं वएज्जा, आउसंतो समणा ! एयं तो तुमं णावार उत्तिंग हत्थेण वा पाएण वा बाहुणा वा उरुणा वा उदरेण वा सीसेण वा काए ण वा णावा उस्सिंचणेण वा चेलेण वा मट्टियाए वा कुसपत्तएण वा कुरुविंदेण वा पिहेहि / '' णो से तं परिणं परिजाणिज्जा तुसिणीओ उवेहेज्जा // 736 // से भिक्बू वा 2 णावाए उत्तिंगेणं उदयं आसवमाणं पेहाए उवरुवरिं णावं कज्जलावेमाणिं पेहाए णो परं उवसंकमित्तु एवं बूया, “आउसंतो गाहावइ ! एयं ते णावाए उदयं उत्तिंगेणं आसवइ, उवरुवरि वा णावा कज्जलावेइ" एयप्पगारं मणं वा वायं वा णो पुरओ कटु विहरेज्जा, अप्पुस्सुए अबहिल्लेस्से एगंतगएणं अप्पाणं विउसेज्ज समाहीए, तओ संजयामेव णावासंतारिमे उदए अहारियं रीएज्जा // 737 / एयं खलु तस्स भिक्खुस्स भिक्खुणीए वा सामग्गियं जं सव्वटेहिं सहिए सया जएज्जासि त्ति बेमि / / 738 // इरियाज्झयणे पढमोद्देसो समत्तो // * से णं परो णावागओ णावागयं वएज्जा, “आउसंतो समणा ! एयं ता तुमं छत्तगं वा जाव चम्मछेयणगं वा गिण्हाहि, एयाणि तुमं विरूवरूवाणि सत्थजायाणि धारेहि, एयं ता तुमं दारगं वा पज्जेहि।" णो से तं परिणं परिजाणिज्जा, तुसिणीओ उवेहेज्जा // 739 / / से णं परो णावागए णावागयं वएज्जा एसणं समणे णावाए भंडभारिए भवइ से णं बाहाए गहाय णावाओ उदगंसि पक्खिवह, एयप्पगारं णिग्योसं सोचा णिसम्म से य चीवरधारी सिया खिप्पामेव चीवराणि उव्वेड्डिज वा णिन्केड्डिज्ज वा उप्फेसं वा करिज्जा // 740 / / अह पुण एवं जाणिज्जा अभिकंतकूरकम्मा खलु बाला बाहाहिं गहाय णावाओ उदगंसि पक्खिविज्जा से पुवामेव वएज्जा 'आउसंतो गाहावई ! मा मेत्तो बाहाए गहाय णावाओ उदगंसि पक्खिवह
