________________ 66 अंग-पविट्ठ सुत्ताणि याए पवज्जेज्जगमणाए, केवली बूया 'आयाणमेयं ' ते णं बाला 'अयं तेणे' तं चेव जाव विहारवत्तियाए पवज्जेज गमणाए तओ संजयामेव गामाणुगामं दुइजेज्जा // 727 // से भिक्खू वा 2 गामाणुगामं दूइज्जमाणे अंतरा से विहं सिया से जं पुण विहं जाणिज्जा, एगाहेण वा, दुयाहेण वा, तियाहेण वा, चउयाहेण वा, पंचाहेण वा, पाउणिज्ज वा, णो पाउणिज्ज वा, तहप्पगारं विहं अणेगाहगमणिज्ज सइ लाढे जाव णो विहारवत्तियाए पवज्जेज गमणाए, केवली बूया 'आयाणमेयं' अंतरा से वासे सिवा, पाणेसु वा, पणएसु वा, बीएसु वा,हरिएसु वा, उदएसु वा,मट्टियाएसु वा अविद्धत्थाए, अह भिक्खूणं पुव्वोवइट्ठा जाव जं तहप्पगारं अणेगाहगमणिज्ज जाव गमणाए, तओ संजयामेव गामाणुगामं दूइज्जेज्जा // 728 // से भिक्खू वा 2 गामाणुगामं दूइज्जमाणे अंतरा से णावासंतारिमे उदए सिया, से जं पुण णावं जाणिज्जा, असंजए भिक्खुपडियाए किणेज्ज वा, पामिच्चेज्ज वा, णावाए वा णावं परिणामं कटु थलाओ वा णावं जलंसि ओगा हेज्जा, जलाओ वा णावं थलसि उक्कसेज्जा, पुण्णं वा णावं उस्सिचेज्जा, सणं वा णावं उप्पीलावेज्जा, तहप्पगारं णावं उड्डगामिणिं वा, अहेगामिणिं वा, तिरियगामिणिं वा, परं जोयणमेराए अद्धजोयणमेराए अप्पतरो वा, भुज्जतरो वा, णो दुरुहेज्ज गमणाए / 729 / / से भिक्खू वा 2 पुवामेव तिरिच्छसंपातिमं णावं जाणिज्जा जाणित्ता से तमायाए एगतमवक्कमिज्जा, 2 त्ता भंडगं पडिलेहिज्जा, पडिलेहित्ता एगओ भोयणभंडगं करेज्जा 2 ससीसोवरियं कायं पाए य पमज्जेज्जा पमज्जित्ता सागारंभत्तं पच्चक्खाएज्जा पञ्चक्खाइत्ता एगं पायं जले किच्चा एगं पायं थले किच्चा तओ संजयामेव णावं दुरुहेज्जा // 730 / / से भिक्खू वा 2 णावं दुरुहमाणे णो णावाए पुरओ दुरु हेज्जा, णो णावाए अग्गओ दुरुहेज्जा, णो णावाए मज्झओ दुरुहेज्जा, णो बाहाओ पगिज्झिय पगिज्झिय अंगुलिए उवदंसिय 2 ओणमिय 2 उण्णमिय 2 णिज्झाए जा // 731 // से णं परो णावागओ णावागयं वए जा “आउसंतो समणा ! एयं ता तुमं णावं उकसाहि वा वोकसाहि वा खिवाहि वा रज्जूए वा गहाय आकसाहि" णो से तं परिणं परिजाणेज्जा तुसिणीओ उवेहेज्जा // 732 // से णं परो णावागओ णावागयं वए जा "आउसंतो समणा ! णो संचाए सि णावं उकसित्तए वा वोक्कसित्तए वा खिवित्तए वा रज्जुयाए वा गहाय आकसित्तए आहार एयं णावाए रज्जूयं सयं चेव णं वयं णावं उकसिस्सामो वा जाव रज्जूए वा गहाय आकसि
