________________ 798 अंग-पविट्ठ सुत्ताणि एगसाडियं उत्तरासंगं करेइ 2 ता अंजलिमउलियहत्थे ममं सत्तटुपयाई अणुगच्छइ 2 ता ममं तिक्खुत्तो आयाहिणं पयाहिणं करेइ 2 ता ममें वंदइ णमंसइ वं०२ त्ता ममं विउलेणं असणपाणखाइमसाइमेणं पडिलाभिस्सामित्ति. कटु तुठे पडिलाभेमाणेवि तुढे पडिलाभिए वि तुठे, तर गं तस्स विजयस्स गाहावइस्स तेणं दध्वसुद्धणं दायगसुद्धणं पडिगाहगसुद्धेणं तिविहेणं तिकरणसुद्धेणं दाणेणं मए पडिलाभिए समाणे देवाउए णिबद्ध संसारे परित्तीकए गिहंसि य से इमाइं पंच दिव्वाइं पाउब्भूयाइं, तजहा-वसुधारा वुट्ठा 1 दसद्धवण्णे कुसुमे णिवाइए 2 चेलुक्खेवे कए 3 आयाओ देव. दुंदुभीओ 4 अंतरावि य णं आगासे अहो दाणे 2 त्ति घुठे 5 / तए णं रायगिहे णयरे सिंघाडग जाव पहेसु बहुजणो अण्णमण्णस्स एवमाइक्खइ जाव एवं परूवेइ-धणे णं देवाणुप्पिया ! विजए गाहावई, कयत्थे णं देवाणुप्पिया ! विजए गाहावई, कयपुण्णे णं देवाणुप्पिया ! विजए गाहावई, कयलक्खणे णं देवाणुप्पिया ! विजए गाहावई, कया णं. लोया देवाणुप्पिया ! विजयस्स गाहावइस्स, सुलद्धे णं देवाणुप्पिया ! माणुस्सए जम्मजीवियफले विजयस्स गाहावइस्स जस्स णं गिहंसि तहारूवे साहु साहुरूवे पडिलाभिए समाणे इमाई पंच दिव्वाई पाउन्भूयाई, तंजहा-वसुहारा वुट्टा जाव अहो दाणे 2 घुछे, तं धणेणं० कयपुण्णे० कयलक्खणे० कया णं लोया० सुलद्धे माणुस्सए जम्मजीवियफले विजयस्स गाहावइस्स विजय० 2 / तए णं से गोसाले मंबलिपुत्ते बहुजणस्स अंतिए एयमळं सोच्चा णिसम्म समुप्पण्णसंसए समुप्पण्णको उहल्ले जेणेव विजयस्स गाहावइस्स गिहे तेणेव उवागच्छइ 2 ता पासइ विजयस्स गाहावइस्स गिहंसि वसुहारं वुटुं दसद्धवण्णं कुसुमं णिवडियं ममं च णं विज यस्स गाहावइस्स गिहाओ पडिणिक्खममाणं पासइ 2 ता हटतुट्ठ० जेणेव मम अंतिए तेणेव उवागच्छइ 2 ता ममं तिक्खुत्तो आयाहिण पयाहिणं करेइ 2 त्ता ममं वंदइ णमंसइ वं० 2 ता ममं एवं वयासी-तुब्भे गं भंते ! ममं धम्मा. यरिया अहण्णं तुम्भं धम्मंतेवासी, तए णं अहं गोयमा ! गोसालस्स मंलिपुत्त. स्स एयमलृ णो आढामि णो परिजाणामि तुसिणीए संचिट्ठामि / तए णं अहं गोयमा ! रायगिहाओ जयराओ पडिणिक्खमामि 2 ता - णालंदं बाहिरियं मज्झंमज्झेणं जेणेव तंतुवायसाला तेणेव उवागच्छामि 2 ता दोच्चं मासखमणं उवसंपज्जित्ताणं विहरामि, तए णं अहं गोयमा ! दोच्चं मासक्खमण.
