________________ भगवई स. 15 797 णवण्ठं मासाणं बहुपडिपुण्णाणं अट्ठमाण य राइं दियाणं वीइक्कंताणं सुकुमाल जावं पडिरूवं दारगं पयाया / तए णं तस्स दारगस्स अम्मापियरो एक्कारसमे दिवसे वीइक्कते जाव बारसमे दिवसे अयमेयारूवं गोण्णं गणणिप्फणं णामधेनं काति-जम्हा णं अम्हं इमे दारए गोबहुलस्स माहणस्स गोसालाए जाए, तं होउ णं अम्हं इमस्स दारगस्स णामधेज्जं गोसाले गोस लेत्ति,तए णं तस्स दारगस्स अम्मापियरोणामधेज्ज करेंति गोसालेति। तए णं से गोसाले दारए उम्मुक्कबालभावे विण्णायपरिणयमेत्ते जोवणगमणु. प्पत्ते सयमेव पडिएक्कं चित्तफलगं करेइ 2 त्ता चित्तफलगहत्थगए मंखत्तणेणं अप्पाणं भावेमाणे विहरइ // 536 // तेणं कालेणं तेणं समएणं अहं गोयमा ! तीसं वासाई अगारवासमझे वसित्ता अम्मापिईहि देवत्तगएहि एवं जहा भाव. णाए जाव एगं देवदूसमादाय मुंडे भवित्ता अगाराओ अणगारियं पव्वइत्तए। तए णं अहं गोयमा ! पढमं वासं अद्धमासंअद्धमासेणं खममाणे अट्रियगामं हिस्साए पढमं अंतरावासं वासावासं उवागए, दोणं वासं मासंमासेणं खममाणे पुव्वाणुपुटिव चरमाणे गामाणुगाम दूइज्जमाणे जेणेव रायगिहे गयरे जेणेव णालिंदा बाहिरिया जेणेव तंतुवायसाला तेणेव उवागच्छामि ते. 2 ता अहापडिरूवं उग्गहं ओगिण्हामि अहा० 2 ता तंदुवायसालाए एगदेसंसि वासावासं उवागए / तएणं अहं गोयमा ! पढमं मासक्खमणं उवसंपज्जित्ताणं विहरामि / तए णं से गोसाले मंखलिपुत्ते चित्तफलगहत्थगए मंखत्तणेणं अप्पाणं भावेमाणे पुव्वाणुपुचि चरमाणे जाव दूइज्जमाणे जेणेव रायगिहे णयरे जेणेव गालिदा बाहिरिया जेणेव तंतुवायसाला तेणेव उवागच्छइ ते० 2 ता तंतुवायसालाए एगदेसंसि मंडणिक्खेवं करेइ मं० 2 ता रायगिहे णयरे उच्चणीय जाव अण्णत्थ कत्थवि वसहिं अलममाणे तीसे य तंतुवायसालाए एगदेसंसि वासा. वासं उवागए जत्थेव गं अहं गोयमा ! तए णं अहं गोयमा ! पढममासक्खमणपारणगंसि तंतुवायसालाओ पडिणिक्खमामि तंतु० 2 ता णालिंदाबाहिरियं मझमझेणं जेणेव रायगिहे पयरे तेणेव उवागच्छामि 2 ता रायगिहे णयरे उच्चणीय जाव अडमाणे विजयस्स गाहावइस्स गिहं अणुप्पविठे, तए णं से विजए गाहावई ममं एज्जमाणं पासइ 2 ता हट्टतुट्ठ० खिप्पामेव आसणाओ अब्भुट्ठई खि० 2 ता पायपीढाओ पच्चोरुहइ 2 त्ता पाउयाओ मुओयइ पा०२त्ता
