________________ 796 अंग-पविट सुत्ताणि कालेणं तेणं समएणं सामी समोसढे जाव परिसा पडिगया, तेणं कालेणं तेणं समएणं समणस्स भगवओ महावीरस्स जेठे अंतेवासी इंदभई . मामं अणगारे गोयमगोत्तेणं जाव छट्छट्टेणं एवं जहा बिइयसए णियंठुद्देसए जाव अडमाणे बहुजणसई णिसामेइ, बहुजणो अण्णमण्णस्स एवमाइक्खइ ४एवं खलु देवाणु प्पिया ! गोसाले मंखलिपुत्ते जिणे जिणप्पलावी जाव पगा. सेमाणे विहरइ, से कहमेयं मण्णे एवं ? तए णं भगवं गोयमे बहुजणस्स अंतियं एयम8 सोच्चा जिसम्म जाव जायसड्ढे जाव भत्तपाणं पडिदंसेइ जाव पज्जुवासमाणे एवं वयासी-एवं खलु अहं भंते ! छठें तं चेव जाव जिणसई पगा. सेमाणे विहरइ, से कहमेयं भंते ! एवं ? तं इच्छामि णं भंते ! गोसालस्स मंखलिपुत्तस्स उट्ठाणपरियाणियं परिकहियं / गोयमादि समणे भगवं महावीरे भगवं गोयम एवं वयासी-जण्णं गोयमा ! से बहुजणे अण्णमण्णस्स एवमाइक्खइ 4 एवं खलु गोसाले मंखलिपुत्ते जिणे जिणप्पलावी जाव पगासेमाणे विहरइ तण्णं मिच्छा / अहं पुण गोयमा ! एवमाइक्खामि जाव परूवेमि-एवं खलु एयस्स गोसालस्स मंखलिपुत्तस्स मंखलिणामं मंखे पिया होत्या, तस्स गं मंखलिस्स मंखस्स भद्दा णामं भारिया होत्था सुकुमाल जाव पडिरूवा, तए णं सा भद्दा भारिया अण्णया कयाइ गुढिवणी यावि होत्था, तेणं कालेणं तेणं समएणं सरवणे णामं सण्णिवेसे होत्था रिद्धस्थिमिय० जाव सण्णिभप्पगासे पासाईए 4, तत्थ णं सरवणे सण्णिवेसे गोबहुले णामं माहणे परिवसइ, अड्ढे जाव अपरिभूए रिउध्वेय जाव सुपरिणिट्ठिए यावि होत्था, तस्स णं गोबहुलस्स माहणस्स गोसाला यावि होत्था, तए णं से मंखलीमंखे अण्णया कयाइ भद्दाए भारियाए गुन्विणीए सद्धि चित्तफलगहत्थगए मंखत्तणेणं अप्पाणं भावे. माणे पुव्वाणपुचि चरमाणे गामाणुगामं दूइज्जमाणे जेणेव सरवणे सण्णिवेसे जेणेव गोबहुलस्स माहणस्स गोसाला तेणेव उवागच्छइ 2 ता गोबहुलस्स माहणस्स गोसालाए एगदेसंसि भंडणिक्खेवं करेइ भंड० 2 त्ता सरवणे सण्णि. वेसे उच्चणीयमज्झिमाइं कुलाई घरसमदाणस्स भिक्खायरियाए अडमाणे वस. हीए सव्वओ समंता मग्गणगवेसणं करेइ, वसहीए सव्वओ समंता मग्गणगवे. सणं करेमाणे अण्णत्थ वसहि अलभमाणे तस्सेव गोबहुलस्स माहणस्स गोसालाए एगदेसंसि वासावासं उवागए, तए णं सा भद्दा भारिया
