________________ भगवई स. 15 795 भंते ! केवली अणंतपएसियं खंधं अणंतपएसिए खंधेत्ति जाणइ-पासइ तहा गं सिद्धेवि अणंतपएसियं खधं जाव पासइ ? हंता जाणइ-पासइ / सेवं भंते ! - सेवं भंते ! ति // 537 // ॥चोद्दसमं सयं समत्तं // ___ पण्णरसमं सयं णमो सुयदेवयाए भगवईए / तेणं कालेणं तेणं समएणं सावत्थी णामं णयरी होत्था वण्णओ, तीसे गं सावत्थीए गयरीए बहिया उत्तरपुरस्थिमे दिसीभाए तत्थ गं कोट्ठए णामं चेइए होत्था वण्णओ, तत्थ णं सावत्थीए गयरीए हालाहला णामं कुंभकारी आजीविओवासिया परिवसइ, अड्डा जाव अपरिभूया आजीवियसमयंसि लट्ठा गहियट्ठा पुच्छियट्ठा विणिच्छियट्ठा अट्ठिमिजपेम्माणुरागरत्ता अयमाउसो ! आजीवियसमए अढे अयं परमठे सेसे अणद्वेत्ति आजीवियसमएणं अप्पाणं भावेमाणी विहरइ / तेणं कालेणं तेणं समएणं गोसाले मंखलिपुत्ते चउव्वीसवासपरियाए हालाहलाए कुंभकारीए कुंभकारावर्णसि आजीवियसंघसंपरिवडे आजीवियमएणं अप्पाणं भावेमाणे विहरइ / तए गं तस्स गोसालस्स मंखलिपुत्तस्स अण्णया कयाइ इमे छ दिसाचरा अंतियं पाउब्भवित्था, तंजहा-साणे कलंदे कणियारे अच्छिदे अग्गिवेसायणे अज्जुणे गोमायुपुत्ते। तए णं ते छ दिसाचरी अट्ठविहं पुष्वगयं मग्गदसमं सएहिं 2 मइदंसणेहि णिज्जूहंति स० 2 ता गोसालं मंखलिपुत्तं उवट्ठांइंसु, तए णं से गोसाले मंखलिपुत्ते तेणं अलैंगस्स महाणिमित्तस्स केणइ उल्लोयमेत्तेणं सव्वेसि पाणाणं सव्वेसि भूयाणं सव्वेसि जीवाणं सव्वेसि सत्ताणं इमाई छ अणइक्कमणिज्जाइं वागरणाई वागरेइ, तं०-लाभं अलाभं सुहं दुक्खं जीवियं मरणं तहा / तए णं से गोसाले मंखलिपुत्ते तेणं अलैंगस्स महाणिमित्तस्स केणइ उल्लोयमेतणसावत्थीए णयरीए अजिणे जिणप्पलावी अणरहा अरहप्पलावी अकेवली केवलिप्पलावी असवण्णू सव्वण्णुप्पलावी अजिणे जिणसइं पगासेमाणे विहरइ // 538 // * तए णं सावत्थीए णयरीए सिंघाडग जाव पहेसु बहुजणो अण्णमण्णस्स एवमाइक्खइ जाव एवं परूवेइ-एवं खलु देवाणुप्पिया ! गोसाले मंखलिपुत्ते जिणे जिणप्पलावी जाव पगासेमाणे विहरइ, से कहमेयं मण्णे एवं ? तेणं
