________________ 724 अंग-पविट्ठ सुत्ताणि भवित्ता तओ पच्छा सिज्झइ जाव अंतं करेइ / सेवं भंते ! सेवं भंते ! ति जाव विहरइ // 536 // चोद्दसमं सयं दसमो उद्देसो केवली णं भंते ! छउमत्थं जाणइ पासइ ? हंता जाणइ पासइ, जहा णं भंते ! केवली छउमत्थं जाणइ पासइ तहा णं सिद्धेवि छउमत्थं जाणइ पासइ ? हंता जाणइ पासइ / केवली णं भंते ! आहोहियं जाणइ पासइ ? एवं चेव, एवं परमाहोहियं, एवं केलि एवं सिद्धं जाव जहा णं भंते ! केवली सिद्धं जाणइ पासइ तहा णं सिद्धेवि सिद्धं जाणइ पासई ? हंता जाणइ पासइ / केवली णं भंते ! भासेज्ज वा वागरेज्जा वा ? हंता भासेज्ज वा वागरेज्ज वा, जहा णं भंते ! केवली भासेज्ज वा वागरेज्ज वा तहा णं सिद्धेवि भासेज्ज वा वागरेज्ज वा ? णो इणढे समझें। से केणठेणं भंते ! एवं वुच्चइ-जहा णं केवली भासेज्ज वा वागरेज्ज वा णो तहा णं सिद्धे भासेज्ज वा वागरेज्ज वा? गोयमा ! केवली णं सउट्टाणे सकम्मे सबले सवीरिए सपुरिसक्कारपरक्कमे, सिद्धे णं अणटाणे जाव अपुरिसक्कारपरक्कमे, से तेण→णं जाव णो वागरेज्ज वा / केवली णं भंते ! उम्मिसेज्ज वा णिम्मिसेज्ज वा ? हंता गोयमा ! उम्मिसेज्ज बा णिम्मिसेज्ज वा एवं चेव, एवं आउटेज्ज वा पसारेज्ज वा, एवं ठाणं वा सेज्ज वा णिसीहियं वा एज्जा, केवली णं भंते ! इमं रयणप्पभं पुढवि रयणप्पभापुढवीति जाणइ पासइ ? हंता गोयमा ! जाणइ पासइ / जहा णं भंते ! केवली इमं रयणप्पभं पुढवि रयणप्पभापुढवीति जाणइ पासइ तहा णं सिद्धेवि इमं रयणप्पभं पुढवि रयणप्पभापुढवीति जाणइ पासइ ? हंता जाणइ पासइ / केवली णं भंते ! सक्करप्पभं पुढवि सक्करप्पभापुढवीति जाणइ पासइ ? एवं चेव, एवं जाव अहेसत्तमं / केवली णं भंते ! सोहम्मं कप्पं सोहम्मकपेति जाणइ पासइ ?हंता जाणइ पासइ,एवं चेव एवं ईसाणं एवं जाव अच्चयं, केवली णं भंते ! गेवेज्जविमाणं गेवेज्जविमाणेति जाणइ पासइ ? एवं चेव, एवं अणत्तरविमाणेवि / केवली णं भंते ! ईसिपब्भारं पुढवि ईसिपब्भारपुढ. वीति जाणइ पासइ ? एवं चेव / केवली णं भंते ! परमाणुपोग्गलं परमाणु. पोग्गलेत्ति जाणइ पासइ ? एवं चेव, एवं दुपएसियं खधं एवं जाव जहा णं
