________________ भगवई स. 15 799 पारणगंसि तंतुवायसालाओं पडिणिक्खमामि तं० 2 ता णालंदं बाहिरियं मज्झं. मज्झेणं जेणेव रायगिहे पयरे जाव अडमाणे आणंदस्स गाहावइस्स गिहं अणुप्पविठे, तए णं से आणंदे गाहावई ममं एज्जमाणं पासइ 2 ता एवं जहेव विजयस्स, णवरं ममं विउलाए खज्जगविहीए पडिलाभेस्सामीत्ति तुठे सेसं तं चेव जाव तच्चं मासक्खमणं उवसंपज्जित्ताणं विहरामि। तए णं अहंगोयमा! तच्चं मासक्खमणपारणगंसि तंतुवायसालाओ पडिणिक्खिमामि तं० 2 त्ता तहेव जाव अडमाणे सुणंदस्स गाहावइस्स गिहं अणुप्पविठे, तए णं से सुणंदे गाहावई एवं जहेव विजयगाहावई, णवरं ममं सव्वकामगणिएणं भोयणेणं पडिलाभेइ सेसं तं चेव जाव चउत्थं मासक्ख मणं उवसंपज्जित्ताणं विहरामि / तीसे णं णालंदाए बाहिरियाए अदूरसामंते एत्थ णं कोल्लाए णामं सण्णिवेसे होत्था सण्णिवेस० वण्णओ, तत्थ णं कोल्लाए संणिवेसे बहुले णामं माहणे परिवसइ, अड्ढे जाव अपरिभए रिउव्वेय जाव सुपरिणिट्टिए यावि होत्था, तए णं से बहुले माहणे कत्तियचाउम्मासियपाडिवर्गसि विउलेणं महुघयसंजुत्तेणं परमण्णणं माहणे आयामेत्था, तए णं अहं गोयमा ! चउत्थमासक्ख मणपारणगंसि तंतुवायसालाओं पडिणिक्खमामि 2 ता णालंदं बाहिरियं मज्झमझेणं णिग्गच्छामि 2 ता जेणेव कोल्लाए संणिवेसे तेणेव उवागच्छामि 2 ता कोल्लाए सण्णिवेसे उच्चणीय जाव अडमाणे बहुलस्स माहणस्स गिहं अणुप्पविठे, तए गं से बहुले माहणे ममं एज्जमाणं तहेव जाव ममं विउलेणं महघयसंजुत्तेणं परमण्णेणं पडिलामेस्सामीति तुठे सेसं जहा विजयस्स जाव बहु० 2 / तए णं से गोसाले मंखलिपुत्ते ममं तंतुवायसालाए अपासमाणे रायगिहे जयरे समितरबाहिरियाए. ममं सव्वओ समंत्ता मग्गणगवेसणं करेइ, ममं कत्थवि सुई वा खुइं वा पवित्ति वा अलममाणे जेणेव तंतुवायसाला तेणेव उवागच्छइ 2 ता साडियाओ य पाडियाओ य कुंडियाओ य वाहणाओ य चित्तफलगं च माहणे आयामेइ आयामेत्ता सउत्तरोळं मुंडं कारेइ स. 2 ता तंतुवायसालाओ पडिणिक्खमइ तं० 2 ता णालंदं बाहिरियं मझमझेणं णिग्गच्छइ णिग्गच्छित्ता जेणेव कोल्लागसण्णिवेसे तेणेव उवागच्छइ, तए गं तस्स कोल्लागस्त संणिवेसस्स बहिया बहुजणो अण्णमण्णस्स एवमाइक्ख इ जाव परूवेइ-धणे णं देवाणुप्पिया ! बहुले माहणे तं चेव जाव जीवियफले बहु
