________________ 788 अंग-पविटु सुत्ताणि चोद्दसमं सयं सत्तमो उद्देसो रायगिहे जाव परिसा पडिगया, गोयमाइ ! समणे भगवं महावीरे भगवं गोयमं आमंतेत्ता एवं वयासी-चिरसंसिट्ठोऽसि मे गोयमा ! चिरसंथुओऽसि मे गोयमा ! चिरपरिचिओऽसि मे गोयमा ! चिरजसिओऽसि मे गोयमा! चिराणुगओऽसि मे गोयमा ! चिराणुवत्तीसि मे गोयमा ! अणंतरं देवलोए अणंतरं माणस्सए भवे कि परं मरणा कायस्स भेया इओचया दोवि तुल्ला एगट्टा अविसेसमणाणत्ता भविस्सामो॥५२०॥जहा णं भंते ! वयं एयमढं जाणामो पासामो तहा णं अणुत्तरोववाइयावि देवा एयमढं जाणंति पासंति ? हंता गोयमा ! जहा णं वयं एयमढं जाणामो पासामो तहा णं अणुत्तरोववाइयावि देवा एयमढं जाणंति पासंति / से केणठेणं जाव पासंति ? गोयमा ! अणुतरोववाइयाणं अणंताओ मणोदव्ववग्गणाओ लद्धाओ पत्ताओ अभिसमण्णागयाओ भवंति, से तेण→णं गोयमा! एवं वुच्चइ जाव पासंति // 521 // कइविहे गं भंते ! तुल्लए पण्णते? गोयमा! छबिहे तुल्लए पण्णत्ते, तंजहा-दव्वतुल्लए, खेत्ततुल्लए, कालतुल्लए, भवतुल्लए, भावतुल्लए, संठाणतुल्लए / से केपट्टेणं भंते ! एवं वुच्चइ दव्वतुल्लए 2 ? गोयमा ! परमाणुपोग्गले परमाणुपोग्गलस्स दव्वओ तुल्ले, परमाणुपोग्गले परमाणुपोग्गलवइरित्तस्स दव्वओ णो तुल्ले, दुपएसिए खंधे दुपएसियस्स खंधस्स दव्वओ तुल्ले, दुपएसिए खंधे दुपएसिय. वइरित्तस्स खंधस्स दव्वओ णो तुल्ले, एवं जाव दसपएसिए, तुल्लसंखेज्जपए. सिए खंधे तुल्लसंखेज्जपएसियस्स खंधस्स दव्वओ तुल्ले, तुल्लसंखेज्जपएसिए खंधे तुल्लसंखेज्जपएसियवइरित्तस्स खंधस्स दव्वओ णो तुल्ले, एवं तुल्लअसंखे. ज्जपएसिए वि, एवं तुल्लअणंतपएसिएवि, से तेण→णं गोयमा ! एवं वुच्चइ दव्वतुल्लए २।से केणट्ठणं भंते ! एवं वुच्चइ खेत्ततुल्लए 2 ? गोयमा! एगपए. सोगाढे पोग्गले एगपएसोगाढस्स पोग्गलस्स खेत्तओ तुल्ले, एगपएसोगाढे पोग्गले एगपएसोगाढवइरित्तस्स पोग्गलस्स खेत्तओ णो तुल्ले, एवं जाव दसपए सोगाढे, तुल्लसंखेज्जपएसोगाढे एवं तुल्लअसंखेज्जपएसोगाढेवि, से तेणठेणं जावं खेत्त. तुल्लए 2 / से केण→णं भंते ! एवं वुच्चइ कालतुल्लए 2 ? गोयमा ! एगसमय. ठिईए पोग्गले एगसमयठिईयस्स पोग्गलस्स कालओ तुल्ले, एगसमयठिईए पोग्गले एगसमयठिईयवइरित्तस्स पोग्गलस्स कालओ णोतुल्ले, एवं जाव दससमय
