________________ 778 अंग-पविट्ठ सुत्ताणि उड्ढं वेहासं उप्पएज्जा ? हंता गोयमा ! जाव समुप्पएज्जा ।अणगारे णं भंते ! भावियप्पा केवइयाइं पभ केयाघडियाकिच्चहत्थगयाई रूवाइं विउविलए ? गोयमा ! से जहाणामए जुवई जुवाणे हत्थेणं हत्थे एवं जहा तइयसए पंचमुद्देसए जाव णो चेव णं संपत्तीए विउव्विसु वा विउविति वा विउविस्संति वा / से जहाणामए केइ पुरिसे हिरण्णपेलं गहाय गच्छेज्जा, एवामेव अणगारेवि भावियप्पा हिरग्णपेलहत्थकिच्चगएणं अप्पाणेणं० ? सेसं तं चेव, एवं सुव. गणपेलं, एवं रयणपेलं वइ रपेलं वत्थपेलं आभरणपेलं, एवं वियलकिडं सुंबकिडं चम्मकिडं कंबलकिडे, एवं अयभारं तंबभारं तउयभारं सीसगभारं हिरण्णभारं सुवण्णभारं वइरभारं / से जहाणामए-वग्गुली सिया दोवि पाए उल्लंबिया 2 उड्डपाया अहोसिरा चिट्ठज्जा, एवामेव अणगारेवि भावियप्पा वग्गलीकिच्चगएणं अप्पाणणं उडढं वेहासं० एवं जण्णोवइयवत्तव्वया भाणियव्वा जाव विउव्विस्तंति वा / से जहाणामए जलोया सिया उदगंसि कायं उविहिया 2 गच्छेज्जा, एवामेव सेसं जहा वग्गुलीए / से जहाणामए बीयंबीयगसउणे सिया दोवि पाए समतुरंगेमाणे 2 गच्छेज्जा, एवामेव अणगारे० सेसं तं चेव / से जहाणामए पक्खिविरालए सिया रुक्खाओ रुक्खं डेवेमाणे 2 गच्छेज्जा, एवामेव अणगारे सेसं तं चेव / से जहाणामए जीवंजीवगसउणे सिया दोवि पाए समतुरं. गेमाणे 2 गच्छेज्जा, एवामेव अणगारे सेसं तं चेव / से जहाणामए हंसे सिया तीराओ तीरं अभिरममाणे 2 गच्छेज्जा, एवामेव अणगारे हंसकिच्चगएणं अप्पाणणं सेसं तं चेव। से जहाणामए समुद्दवायसए सिया वीईओ वीइं डेवेमाणे 2 गच्छेज्जा, एवामेव तहेव / से जहाणामए केइ पुरिसे चक्कं गहाय गच्छेज्जा, एवामेव अणगारेवि भावियप्पा चक्ककिच्चहत्थ गएणं अप्पाणेणं सेसं जहा केयाघडियाए, एवं छत्तं, एवं चमरं / से जहाणामए केइ पुरिसे रयणं गहाय गच्छेज्जा, एवं चेव, एवं वइरं वेरुलियं जाव रिठें, एवं उप्पलहत्थगं पउम. हत्थगं कुमुदहत्थगं, एवं जाव से जहाणामए केइ पुरिसे सहस्सपत्तगं गहाय गच्छेज्जा, एवं चेव / से जहाणामए केइ पुरिसे भिसं अवदालिय 2 गच्छेज्जा, एवामेव अणगारेवि भिसकिच्चगएणं अप्पाणेणं तं चेव / से जहा. णामए मुणालिया सिया उदगंसि कायं उम्मज्जिय 2 चिट्ठिज्जा, एवामेव सेसं जहा वग्गुलीए। से जहाणामए वणसंडे सिया-किण्हे किण्होभासे जाव णिकुरुंब
