________________ भगवई स. 14 उ.१ 779 भूए पांसाईए 4, एवामेव अणगारेवि भावियप्पा वणसंडकिच्चगएणं अप्पाणेणं उड्ढं वेहासं उप्पएज्जा, सेसं तं चेव / से जहाणामए पुक्खरिणी सिया-चउक्कोणा समतीरा अणुपुव्वसुजाय जाव सदुण्णइयमहुरसरणाइया पासाईया ४,एवामव अणगारेवि भावियप्पा पोक्खरिणीकिच्चगएणं अप्पाणेणं उड्ढे वेहासं उप्पएज्जा ? हंता उप्पएज्जा ।अणगारे णं भंते ! भावियप्पा केवइयाइं पभू पोक्ख. रिणीकिच्चगयाई रुवाइं विउवित्तए, सेसं तं चेव जाव विउव्विस्संति वा / से भंते ! कि माई विउव्वद अमाई विउव्वइ ? गोयमा ! माई विउव्वइ णो अमाई विउव्वइ, माई गं तस्स ठाणस्स अणालोइय० एवं जहा तइयसए चउत्पद्देसए जाव अस्थि तस्स आराहणा / सेवं भंते ! सेवं भंते ! ति जाव विहरइ // 467 // तेरसमं सयं दसमो उद्देसो कइ णं भंते ! छाउमत्थियसमग्घाया पण्णत्ता ? गोयमा ! छ छाउमत्थिया समुग्घाया पण्णत्ता, तंजहा-वेयणासमुग्घाए एवं छाउमत्थियसमुग्घाया णेयव्वा जहा पण्णवणाए जाव आहारगसमुग्घाएत्ति / सेवं भंते ! सेवं भंते ! ति जाव विहरइ // 468 // . // तेरसमं सयं समत्तं॥ चोदसमं सयं पढमो उद्देसो चर 1 उम्माय 2 सरीरे 3 पोग्गल 4 अगणी 5 तहा किमाहारे 6 / संसिट 7 मंतरे खलु 8 अणगारे 6 केवली चेव 10 // 1 // रायगिहे जाव एवं वयासी-अणगारे णं भंते ! भावियप्पा चरमं देवावासं वीइक्कते परमं देवा. वासमसंपत्ते एत्थ गं अंतरा कालं करेज्जा, तस्स गं भंते ! कहि गई कहि उववाए पण्णत्ते ? गोयमा ! जे से तत्थ परियस्सओ तल्लेसा देवावासा तहि तस्स गई तहि तस्स उववाए पण्णत्ते, से य तत्थगए विराहेज्जा कम्मलेस्सामेव पडिपडइ, से य तत्थ गए णो विराहेज्जा तामेव लेस्सं उवसंपज्जित्ताणं विहरइ / अणगारे गं भंते ! भावियप्पा चरमं असुरकुमारावासं वीइक्कते परमं असुरकुमारा. एवं चेव, एवं जाव थणियकुमारावासं जोइसियावासं, एवं वेमाणियावासं जाव विहरइ ॥४६६॥णेरइयाणं भंते ! कहं सीहा गई कहं
