________________ भगवई स. 13 उ. 8-9 777 कइविहे पण्णत्ते ? गोयमा ! चउन्विहे पण्णत्ते, तंजहा-णेरइयदव्वोहिमरणे जाव देवदव्वोहिमरणे / से केणठेणं भंते ! एवं वुच्चइ-णेरइयदव्वोहिमरणे 2 ? गोयमा ! जण्णं गैरइया णेरइयदव्वे वट्टमाणा जाई दव्वाइं संपयं मरंति जण्णं रइया ताई दव्वाइं अणागए काले पुणोवि मरिस्संति, से तेणढेणं गोयमा! जाव दवोहिमरणे, एवं तिरिक्खजोणिय० मणुस्स० देवदव्वोहिमरणेवि, एवं एएणं गमेणं खेत्तोहिमरणेवि कालोहिमरणेवि भवोहिमरणेवि भावोहिमरणेवि। आइंतियमरणे णं भंते ! पुच्छा, गोयमा ! पंचविहे पण्णत्ते, तं०-दव्वाइंतिय. मरणे खेत्ताइंतियमरणे जाव भावाइंतियमरणे / दवाइंतियमरणे णं भंते ! कइविहे प० ? गोयमा ! चउन्विहे प०, तं०-णेरइयदव्वाइंतियमरणे जाव देवदवाइंतियमरणे / से केणठेणं भंते ! एवं वच्चइ-णेरइयदवाइंतिय. मरणे 2 ? गोयमा! जण्णं रइया रइयदवे वट्टमाणा जाइं दव्वाइं संपयं मरंति जे णं रइया ताई दव्वाइं अणागए काले णो पूणोवि मरिस्संति, से तेणट्ठणं जाब मरणे, एवं तिरिक्ख० मणुस्स० देवाइंतियमरणे, एवं खेत्ताइंतियमरणेवि, एवं जाव भावाइंतियमरणेवि / बालमरणे णं भंते ! कइविहे प०? गोयमा ! दुवालसविहे 50, तं०-वलयमरणे जहा खंदए जाव गिद्धपिढें / पंडियमरणे णं भंते ! कइविहे पण्णत्ते ? गोयमा ! दुविहे पण्णत्ते, तंजहापाओवगमणे य भत्तपच्चक्खाणे य / पाओवगमणे णं भंते ! कइविहे प०? गोयमा ! दुविहे प०, त०-णीहारिमे य अणीहारिमे य जाव णियम अपडिकम्मे / भत्तपच्चक्खाणे णं भंते ! कइविहें प० ? एवं तं चेव णवरं णियमं सपडिकम्मे / सेवं भंते ! सेवं भंते ! त्ति // 465 // तेरसमं सयं अट्ठमो उद्देसो कइ णं भंते ! कम्मपयडीओ पण्णताओ ? गोयमा ! अट्ठ अम्मपयडीओ पण्णत्ताओ, एवं बंधट्ठिइउद्देसो भाणियन्वो गिरवसेसो जहा पण्णवणाए / सेवं भंते ! सेवं भंते ! त्ति // 466 // तेरसमं सयं णवमो उद्देसो रायगिहे जाव एवं वयासी-से जहाणामए केइ पुरिसे केयाघडियं गहाय गच्छेज्जा, एवामेव अणगारेवि भावियप्पा केयाघडियाकिच्चहत्थगएणं अप्पाणणं .
