________________ 776 अंग-पविट्ठ सुत्ताणि भासा / कइविहे णं भंते ! मणे पण्णत्ते ? गोयमा ! चउविहे मणे पण्णते, तंजहा-सच्चे जाव असच्चामोसे // 463 // आया भंते ! काए अण्णे काए ? गोयमा ! आयावि काए अण्णेवि काए / रूवि भंते ! काए अरूवि काए ? गोयमा ! रूविवि काए अविवि काए, एवं एक्केक्के पुच्छा, गोयमा ! सचित्ते वि काए अचित्तेवि काए, जीवेवि काए अजीवेवि काए, जीवाणवि काए अजीवाणवि काए। पुचि भंते ! काए पुच्छा, गोयमा ! पुविवि काए काइज्जमाणेवि काए कायसमयवीइक्कतेवि काए / पुदिव भंते ! काए भिज्जइ पुच्छा, गोयमा ! पुविवि काए भिज्जई काइज्जमाणेवि काए भिज्जइ, कायसमयवीइक्कतेविकाए भिज्जइ / कइविहे ण भंते ! काए पण्णत्ते ? गोयमा ! सत्त. विहे काए पण्णत्ते, तंजहा-ओरालिए ओरालियमीसए वे उदिवए वेउब्वियमीसए आहारए आहारगमीसए कम्मए / 464 // कइविहे णं भंते ! मरणे पणते ? गोयमा ! पंचविहे मरणे पण्णत्ते, तंजहा-आवीचियमरणे ओहिमरणे आइंतियमरणे बालमरणे पंडियमरणे / आवीचियमरणे णं भंते ! कइविहे पण्णत्ते ? गोयमा ! पंचविहे पण्णत्ते, तंजहा-दवावीचियमरणे खेत्तावीचियमरणे काला. वीचियमरणे भवावीचियमरणे भावावीचियमरणे / दवावीचियमरणे णं भंते ! कइविहे पण्णत्ते ? गोयमा ! चउन्विहे पण्णत्ते, तंजहा-णेरइयदबावीचिय. मरणे, तिरिक्खनोणियदव्वावीचियमरणे, मणुस्सदवावीचियमरणे, देवदव्वा. वीचियमरणे / से केणठेणं भंते ! एवं वच्चइ-णेरइयदव्वावीचियमरणे णेरइयदवावीचियमरणे ? गोयमा ! जण्णं णेरइया रइएदव्वे वट्ट माणा जाई दव्वाइं णेरइयाउयत्ताए गहियाई बद्धाइं पुट्ठाई कडाइं पट्टवियाई णिविट्ठाई अभि. णिविट्ठाइं अभिसमष्णागयाइं भवंति ताई दबाई आनीचियं अणुसमयं गिरंतरं मरंति तिकट्ट से तेणढेणं गोयमा ! एवं वुच्चइ-णेरइयदव्वावीचियमरणे, एवं जाव देवदवावीचियमरणे / खेत्तावीचियमरणे णं भंते ! कइविहे पण्णत्ते ? गोयमा! चउविहे पण्णत्ते, तंजहा-णेरइयखेत्तावीचियमरणे जाव देवखेत्ता. वीचियमरणे। से केणट्ठणं भंते ! एवं वुच्चइ-णेरइयखेत्तावीचियमरणे 2 ? गोयमा! जण्णं णेरइया णेरइयखेत्ते वट्टमाणा जाई दव्वाइं रइयाउयत्ताए एवं जहेव दवावीचियमरणे तहेव खेत्तावीचियमरणेवि, एवं जाव भावावीचिय. मरणे / ओहिमरणे णं भंते ! कइविहे पण्णत्ते ? गोयमा ! पंचविहे पण्णत्ते, तंजहा-दवोहिमरणे खेत्तोहिमरणे जाव भावोहिमरणे / दवोहिमरणे णं भंते !
