________________ भगवई स. 13 उ. 7 775 पुढवीए णिरयपरिसामंतेसु चो (य) ट्ठि असुरकुमारावाससयसहस्सा पण्णत्ता, तए णं से अभीइकुमारे बहूई वासाई समणोवासगपरियागं पाउणइ 2 त्ता अद्धमासियाए संलेहणाए तीसं भताई अणसणाए छेएइ 2 ता तस्स ठाणस्स अणालोइयपडिक्कते कालमासे कालं किच्चा इमीसे रयणप्पभाए पुढवीए तीसाए णिरयपरिसामंतेसु चोसट्ठीए आयावा जाव सहस्सेसु अण्णयरंसि आयावा असुरकुमारावासंसि आयावा असुरकुमारदेवत्ताए उववण्णो, तत्थ णं अत्थेगइयाणं आयावगाणं असुरकुमाराणं देवाणं एगं पलिओवमं ठिई प०, तत्थ णं अभी. इस्सवि देवस्स एगं पलिओवमं ठिई पण्णता / से णं भंते ! अभीइ देवे ताओ देवलोगाओ आउक्खएणं 3 अणंतरं उव्वट्टिता कहिं गच्छिहिइ कहिं उवव. जिहिइ ? गोयमा ! महाविदेहे वासे सिज्झिहिइ जाव अंतं काहिइ / सेवं भंते ! सेवं भंते ! त्ति // 461 // तेरसमं सयं सत्तमो उद्देसो रायगिहे जाव एवं वयासी-आया भंते ! भासा अण्णा भासा ? गोयमा! णो आया भासा अण्णा भासा, रूवि भंते ! भासा अरूवि भासा ? गोयमा ! रूवि भासा णो अरूवि भासा / सचित्ता भंते ! भासा अचित्ता भासा ? गोयमा! णो सचित्ता भासा अचित्ता भासा / जीवा भंते ! भासा अजीवा भासा ? गोयमा ! णो जीवा भासा अजीवा भासा / जीवाणं भंते ! भासा अजीवाणं भासा ? गोयमा ! जीवाणं भासा णो अजीवाणं भासा / पुवि भंते ! भासा भासिज्जमाणी भासा भासासमयवीइक्कंता भासा ? गोयमा ! णो पुवि भासा भासिज्जमाणी भासा णो भासासमयवीइक्कंता भासा / पुवि भंते ! भासा भिज्जइ, भासिज्जमाणी भासा भिज्जइ, भासासमयवीइक्कता भासा मिज्जइ ? मोयमा ! णो प्रवि भासा भिज्जइ, भासिज्जमाणी भासा भिज्जइ, णो भासासमयवीइक्कंता भासा भिज्जइ / कइविहा णं भंते ! भासा पण्णता ? गोयमा! चउविहा भासा पण्णत्ता, तंजहा-सच्चा, मोसा, सच्चामोसा, असच्चामोसा // 462 // आया भंते ! मणे अण्णे मणे ? गोयमा ! णो आया मणे अण्णे मणे, जहा भासा तहा मणेवि जाव णो अजीवाणं मणे / पुवि भंते ! मणे मणिज्जमाणे मणे० ? एवं जहेव भासा / पुद्वि भंते ! मणे भिज्जइ, मणि. ज्जमाणे मणे भिज्जइ, मणसमयवीइक्कते मणे भिज्जइ ? एवं जहेव
