________________ 774 अंग-पविट्ठ सुत्ताणि सद्दावेइ एवं जहा जमालिस्स तहेव सब्भितरबाहिरियं तहेव जाव णिक्खमणाभिसेयं उवटवेइ। तए णं से केसीराया अणेगगणणायग जाव संपरिवुडे उदायणं रायं सीहासणवरंसि पुरस्थाभिमहे णिसीयावेइ 2 ता असएणं सोवणियाणं० एवं जहा जमालिस्स जाव एवं वयासी-भण सामी ! कि देमो किं पयच्छामो किणा वा ते अट्ठो ? तए णं से उदायणे राया केसि रायं एवं वयासीइच्छामि गं देवाणुप्पिया ! कुत्तियावणाओ० एवं जहा जमालिस्स णवरं पउमावई अग्गकेसे पडिच्छइ पियविप्पओगदूसहा / तए णं से केसी राया दोच्चपि उत्तरावक्कमणं सीहासणं रयावेई. दो० 2 त्ता उदायणं रायं सेयापीयएहि कलसेहि० सेसं जहा जालिस्स जाव सण्णिसण्णे तहेव अम्म. धाई णवरं पउमावई हंसलक्खणं पडसाडगं गहाय सेसं तं चेव जाव सीयाओ पच्चोरुहइ 2 ता जेणेव समणे भगवं महावीरे तेणेव उवागच्छइ 2 त्ता समणं भगवं महावीरं तिवखुत्तो बंदइ णमंसइ वंदित्ता णमंसित्ता उत्तरपुरथिमं दिसीभागं अवक्कमइ 2 ता सयमेव आभरणमल्लालंकारं तं चेव जाव पउमावई पडिच्छइ जाव घडियध्वं सामी ! जाव णो पमाएयत्वंतिकटु केसी राया पउमावई य समणं भगवं महावीरं वंदति णमंसंति वं० 2 ता जाव पडिगया / तए णं से उदायणे राया सयमेव पंचमुट्टियं लोयं सेसं जहा उसभदत्तस्स जाव सव्वदुक्खप्पहीणे // 460 // तए णं तस्स अभीइकुमारस्स अण्णया कयाइ पुव्वरत्तावरत्तकालसमयंसि कुडंबजागरियं जागरमाणस्स अयमेयारूवे अज्झथिए जाव समुप्पज्जित्था-एवं खलु अहं उदायणस्स पुत्ते पभावईए देवीए अत्तए, तए णं से उदायणे राया ममं अवहाय णियगं भायणिज्ज केसिकुमार रज्जे ठावेत्ता समणस्स भगवओ महावीरस्स जाव पवइए, इमेणं एयारूवेणं महया अप्पत्तिएणं मणोमाणसिएणं दुक्खेणं अभिभए समाणे अंतेउरपरियालसंपरिवुडे सभंडमत्तोवगरणमायाए वीइ मयाओ णयराओ जिग्गच्छइ 2 ता पुव्वाणुपुचि चरमाणे गामाणुगाम दूइज्जमाणे जेणेव चंपा णयरी जेणेव कूणिए राया तेणेव उवागच्छइ 2 ता कणियं रायं उवसंपज्जित्ताणं विहरइ, तत्थवि गं से विउल मोगसमिइसमण्णागए यावि होत्था। तए णं से अभीइकुमारे समणो. वासए यावि होत्था, अभिगय जाव विहरइ, उदायणमि रायरिसिमि समणु. बद्धवेरे यावि होत्था / तेणं कालेणं तेणं समएणं इमीसे रयणप्पभाए
