________________ भगवई स. 13 उ. 6 773 तहमेयं भंते ! जाव से जहेयं तुम्भे वयहत्तिक१ णवरं देवाणुप्पिया ! अभीइकुमारं रज्जे ठावेमि, तए गं अहं देवाणुप्पियाणं अंतिए मुंडे भवित्ता जाव पव्वयामि, अहासुहं देवाणुप्पिया ! मा पडिबंधं / तए णं से उदायणे राया समगणं भगवया महावीरेणं एवं वृत्ते समाणे हद्वतुठे समणं भगवं महावीरं वंदइ णमंसइ वं. 2 ता तमेव आभिसेक्कं हत्यि दुरूहइ 2 ता समणस्स भगवओ महावीरस्स अंतियाओ मियवणाओ उज्जाणाओ पडिणिक्खमइ 2 ता जेणेव वीइभए णयरे तेणेव पहारेत्थ गमणाए / तए गं तस्स उदायणस्स रण्णो अय. मेयारूवे अज्झथिए जाव समप्पज्जित्था-एवं खलु अभीइकुमारे ममं एगे पुत्ते इठे कंते जाव किमंग पुण पासणयाए, तं जइ णं अहं अभीइकुमारं रज्जे ठावेत्ता समणस्स भगवओ महावीरस्स अंतियं मुंडे भवित्ता जाव पव्वयामि तो णं अभीइकुमारे रज्जे य रठे य जाव जणवए य माणुस्सएसु य कामभोगेसु मुच्छिए गिद्ध गढिए अज्झोववण्णे अणाईयं अणवदग्गं दोहमद्धं चाउरंतसंसार. कतारं अणुपरियट्टिस्सइ, तं णो खलु मे सेयं अभीइकुमारं रज्जे ठावेत्ता समणस्स भगवओ महावीरस्स जाव पव्वइत्तए, सेयं खल मे णियगं भाइणेज्ज केसिकुमारं रज्जे ठावेत्ता समणस्स भगवओ महावीरस्स जाव पव्वइत्तए, एवं संपेहेइ 2 ता जेणेव वीइभए गयरे तेणेव उवागच्छइ 2 ता वीइभयं जयरं मज्झमझेणं जेणेव सए गेहे जेणेव बाहिरिया उवट्ठाणसाला तेणेव उवागच्छइ . 2 ता आभिसेक्कं हत्थि ठवेइ आभि० 2 त्ता आभिसेक्काओ हत्थीओ पच्चोरुहइ 2 ता जेणेव सीहासणे तेणेव उवागच्छइ 2 ता सीहासणवरंसि पुरत्था. भिमहे णिसीयइ 2 ता कोडंबियपुरिसे. सद्दावेइ 2 ता एवं बयासी-खिप्पा. मेव भो देवाणुप्पिया ! वीइभयं णयरं सभितरबाहिरियं जाव पच्चप्पिणंति / तए णं से उदायणे राया दोच्चपि कोइंबियपुरिसे सहावेइ 2 ता एवं वयासीखिप्पामेव भो देवाणुप्पिया ! केसिस्स कुमारस्स महत्थं 3 एवं रायाभिसेओ जहा सिवभहस्स कुमारस्स तहेव भाणियव्वो जाव परमाउं पालयाहि इट्ठजण. संपरिवुडे सिंधुसोवीरपामोक्खाणं सोलसण्हं जणवयाणं, वीइभयपामोक्खाणं तिण्णि तेसट्ठीणं णयरागरसयाणं, महसेणपामोक्खाणं दसहं राईणं अणेसि च बहूणं राईसर जाव कारेमाणे पालेमाणे विहराहित्तिकटु जयजयसदं पउं. 'जंति / तए णं से केसीकुमारे राया जाए महया जाव विहरइ / तए णं से उदायणे राया केसि रायाणं आपुच्छइ / तए णं से केसीराया कोडुंबियपुरिसे
