________________ 772 अंग-पविट्ट सुत्ताणि णं उदायणस्स रण्णो पुत्ते पभावईए देवीए अत्तए अभीइणाम कुमारे होत्था सुकु. माल जहा सिवभद्दे जाव पच्चुवेक्खमाणे विहरइ, तस्स णं उदायणस्स रण्णो णियए भायणेज्जे केसीणामं कुमारे होत्था सुकुमाल जाव सुरूवे।से णं उदायणे राया सिंधुसोवीरप्पामोक्खाणं सोलसण्हं जणवयाणं, वीइभयप्पामोक्खाणं तिग्हं तेसट्ठीणं णगरागरसयाणं, महसेणप्पामोक्खाणं दसण्हं राईणं बद्धमउडाणं विइ. ण्णछत्तचामरवालवीयणाणं अण्णेसि च बहूणं राईसरतलवर जाव सस्थवाहप्प. भिईणं आहेवच्चं पोरेवच्चं जाव कारेमाणे पालेमाणे समणोवासए अभिगय. जीवाजीवे जाव विहरइ / तए णं से उदायणे राया अण्णया कयाइ जेणेव पोसहसाला तेणेव उवागच्छइ 2 ता, जहा संखे जाव विहरइ / तए णं तस्स उदायणस्स रणो पुव्वरत्तावरत्तकालसमयंसि धम्मजागरियं जागरमाणस्स अयमेयारूवे अज्झथिए जाव समुप्पज्जित्था-धण्णत णं ते गामागरणयरखेड. कब्बडमडंबदोणमहपट्टणासमसंबाहसण्णिवेसा जत्थ णं समणे भगवं महावीरे विहरइ, धण्णा णं ते राईसरतलवर जाव सत्थवाहप्पभिइओ जे णं समणं भगवं महावीरं वदंति णमंसंति जाव पज्जुवासंति, जइ णं समणे भगवं महा. वीरे पुव्वाणपुष्वि चरमाणे गामाणुगामं जाव विहरमाणे इहमागच्छेज्जा इह समोसरेज्जा, इहेव वीइभयस्स णयरस्स बहिया मियवणे उज्जाणे अहापडिरूवं उग्गहं उग्गिण्हित्ता संजमेणं तवसा जाव विहरेज्जा, तो णं अहं समणं भगवं महावीरं वंदेज्जा णमंसेज्जा जाव पज्जुवासेज्जा। तत्थ णं समणे भगवं महावीरे उदायणस्स रणो अयमेयारूवं अज्झत्थियं जाव सम्प्पण्णं वियाणित्ता चंपाओ णयरीओ पुण्णभद्दाओ चेइयाओ पडिणिक्खमइ 2 ता पुव्वाणुपुचि चरमाणे गामाणुगामं जाव विहरमाणे जेणेव सिंधुसोवीरे जणवए जेणेव वीइ भए णयरे जेणेव मियवणे उज्जाणे तेणेव उवागच्छइ 2 ता जाव विहरइ / तए णं वीइभए णयरे सिंघाडग जाव परिसा पज्जुवासइ / तए णं से उदायणे राया इमीसे कहाए लद्धठे समाणे हटतुट्ठ० कोडुंबियपुरिसे सद्दावेइ 2 ता एवं वयासी-खिप्पामेव भो देवाणुप्पिया ! वीइभयं णयरं सब्भि. तरबाहिरियं जहा कणिओ उबवाइए जाव पज्जुवासइ, पभावईपामोक्खाओ देवीओ तहेव जाव पज्जुवासंति, धम्मकहा / तए णं से उदायणे राया समणस्स भगवओ महावीरस्स अंतियं धम्म सोच्चा णिसम्म हतुठे-उढाए उठेइ 2 त्ता समणं भगवं महावीरं तिक्खुत्तो जाव णमंसित्ता एवं वयासी-एवमेयं भंते !
