________________ भगवई स. 13 उ.६ 771 इमं णाणत्तं जाव तिगिच्छकूडस्स उप्पायपव्वयस्स चमरचंचाए रायहाणीए चमरचंचस्स आवासपव्वयस्स अण्णेसि च बहूणं सेसं तं चेव जाव तेरस य अंगुलाइं. अद्धंगुलं च किचि विसेसाहिया परिक्खेवेणं, तीसे णं चमरचंचाए राय. हाणीए दाहिणपच्चत्थिमेणं छक्कोडिसए पणपण्णं च कोडीओ पणतीसं च सयसहस्साई पण्णासं च सहस्साई अरुणोदगसमुहं तिरियं वीईवइत्ता एत्थ णं चमरस्स असुरिंदस्स असुरकुमाररण्णो चमरचंचे णाम आवासे पण्णत्ते, चउरासीइं जोयणसहस्साइं आयामविक्खंभेणं दो जोयणसयसहस्सा पट्टिं च सहस्साई छच्चबत्तीसे जोयणसए किंचि विसेसाहिए परिक्खेवेणं, से णं एगेणं पागारेणं सव्वओ समंता संपरिक्खित्ते, से णं पागारे दिवढं जोयणसयं उड्ढं उच्चतेणं, एवं चमरचंचाए रायहाणीए वत्तव्वया भाणियव्वा सभाविहणा जाव चत्तारि पासायपंतीओ। चमरे णं भंते ! असुरिंदे असुरकुमारराया चमरचंचे आवासे वसहि उवेइ ? णो इणठे समठे। से केणं खाइ णं अठेणं भंते ! एवं वुच्चइ चमरचंचे आवासे 2 ? गोयमा ! से जहाणामए-इह मणुस्सलोगंसि उवगारियलेणाइ वा उज्जाणियलेणाइ वा णिज्जाणियलेणाइ वा वारिधारियलेणाइ वा तत्थ णं बहवे मणुस्सा य मणुस्सीओ य आसयंति सयंति जहा रायप्पसेणइज्जे जाव कल्लाणफलवित्तिविसेसं पच्चणुब्भवमाणा विहरंति, अण्णत्थ पुण वसहि उवेंति, एवामेव गोयमा ! चमरस्स असुरिंदस्स असुरकुमाररण्णो चमरचंचे आवासे केवलं किड्डारइपत्तियं अण्णत्थ पुण वसहि उवेइ, से तेणठेणं जाव आवासे / सेवं भंते ! सेवं भंते ! ति जाव विहरइ // 486 // तए णं समणे भगवं महावीरे अण्णया कयाइ रायगिहाओ णयराओ गुणसिलाओ जाब विहरइ / तेणं कालेणं तेणं समएणं चंपा णामं णयरी होत्था वण्णओ, पुण्णभद्दे चेइए वण्णओ / तए णं समणे भगवं महावीरे अण्णया कयाइ पुवाणुपुब्धि चरमाणे जाव विहरमाणे जेणेव चंपा गयरी जेणेव पुण्णभद्दे चेइए तेणेव उवागच्छइ 2 ता जाव विहरइ / तेणं कालेणं तेणं समएणं सिंधुसोवीरेसु जणवएसु वीइभए णाम णयरे होत्था वण्णओ, तस्स णं वीइभयस्स णयरस्स बहिया उत्तरपुरस्थिमे दिसीमाए एत्थ गं मियवणे णामं उज्जाणे होत्था सव्वोउय० वण्णओ, तत्थ णं वीइभए णयरे उदायणे णाम राया होत्था महया वण्णओ, तस्स णं उदायणस्स रण्णो प(उमा) भावई णामं देवी होत्था सुकुमाल० वण्णओ, तस्स
