________________ 770 अंग-पविट्ठ सुत्ताणि सेणइज्जे जाव दुवारवयणाई पिहेइ दु० 2 ता तोसे कूडागारसालाए बहुमज्झदेसभाए जहणणं एक्को वा दो वा तिण्णि वा उक्कोसेणं पईवसहस्सं पलीवेज्जा, से पूर्ण गोयमा ! ताओ पईवलेस्साओ अण्णमण्णसंबद्धाओ अण्णमण्णपुट्ठाओ जाव अण्णमण्णघडताए चिट्ठति ? हंता चिट्ठति, चक्किया गं गोयमा ! केई तासु पईवलेस्सासु आसइत्तए वा जाव तुट्टित्तए वा ? भगवं! णो इणठे समठे, अणंता पुण तत्थ जीवा ओगाढा, से तेणठेणं गोयमा ! एवं वच्चइ जाव ओगाढा // 484 // कहि णं भंते ! लोए बहसमे, कहि णं भंते ! लोए सव्वविग्गहिए पण्णते ? गोयमा ! इमोसे रयणप्पभाए पुढवीए उरिमहेटिल्लेसु खुड्डगपयरेसु एत्थ णं लोए बहुसमे एत्थ णं लोए सम्वविग्गहिए पण्णत्ते / कहि णं भंते ! विग्गहविग्गहिए लोए पण्णत्ते ? गोयमा ! विग्गहकंडए एत्थ णं विग्गहविग्गहिए लोए पण्णत्ते // 485 // किसंठिए भंते ! लोए पणते ? गोयमा ! सुपइट्ठियसंठिए लोए पण्णत्ते, हेट्ठा विच्छिण्णे मज्झे संखित्ते जहा सत्तमसए पढमसे जाव अंतं करेइ / एयस्स णं भंते ! अहेलोयस्स तिरियलोयस्स उड्डलोयस्स य कयरे 2 हितो जाव विसेसाहिया वा ? गोयमा ! सव्वत्थोवे तिरियलोए, उड्डलोए असंखेज्जगुणे, अहेलोए विसेसाहिए। सेवं भंते ! सेवं भंते ! ति // 486 // तेरसमं सयं पंचमो उद्देसो रइया णं भंते ! कि सचित्ताहारा अचित्ताहारा मीसाहारा ? गोयमा ! णो सचित्ताहारा अचित्ताहारा णो मीसाहारा, एवं असुरकुमारा पढमो रइय. उद्देसओ णिरवसेसो भाणियन्वो। सेवं भंते ! सेवं भंते ! ति // 487 // तेरसमं सयं छट्ठो उद्देसो रायगिहे जाव एवं वयासी-संतरं भंते ! णेरइया उववजंति, णिरंतरं रइया उववज्जति ? गोयमा ! संतरंपि णेरइया उववज्जति, णिरंतरंपि णेर. इया उववज्जंति, एवं असुरकुमारावि, एवं जहा गंगेए तहेव दो दंडगा जाव संतरपि वेमाणिया चयंति णिरंतरंपि वेमाणिया चयंति // 488 // कहिणं भंते ! चमरस्स असुरिदस्स असुररण्णो चमरचंचा णाम आवासे पण्णत्ते ? गोयमा ! जंबुद्दीवे 2 मंदरस्स पव्वयस्स दाहिणेणं तिरियमसंखेज्जे दीवसमुद्दे एवं जहा बिइयसए समाउद्देसए वत्तव्वया सच्चेव अपरिसेसा णेयव्वा, णवरं
