________________ अंग-पविट्ठ सुत्ताणि तओ संजयामेव बहुफासुए सिज्जासंथारगे दुरुहिज्जा दुरुहित्ता तओ संजयामेव बहुफासुए सेज्जासंथारए सएज्जा // 714 // से भिक्खू वा 2 बहुफासुए सेज्जा संथारए सयमाणे णो अण्णमण्णस्स हत्येण हत्थं पाएण पायं कारण कार्य आसाए ज्जा, से अणासायमाणे तओ संजयामेव बहुफासुए सेज्जासंथारए सएज्जा // 715 // से भिक्खू वा 2 उस्सासमाणे वा णीसासमाणे वा कासमाणे वा छीयमाणे वा जंभायमाणे वा उड्डुए वा वायणिसग्गे वा करेमाणे पुवामेव आसयं वा पोसयं वा पाणिणा परिपिहित्ता तओ संजयामेव उससेज वा जाव वायणिसग्गं वा करेजा // 716 // से भिक्खू वा 2 समावेगया सेज्जा भवेजा, विसमा वेगया सेज्जा भवेज्जा, पवाया वेगया सेना भवेज्जा, णिवाया वेगया सेज्जा भवेज्जा, ससरक्खा वेगया सेज्जा भवेज्जा अप्पससरक्खा वेगया सेज्जा भवेज्जा, सदंसमसगा वेगया सेज्जा भवेज्जा, अप्पदंसमसगा वेगया सज्जा भवेजा,सपरिसाडा वेगया सेज्जा भवेना, अपरिसाडा वेगया सेज्जा भवेज्जा, सउवसग्गा वेगया सेज्जा भवेज्जा, णिरुवसग्गा वेगया सेज्जा भवेजा, तहप्पगाराहिं सेन्जाहिँ संविजमाणाहिं पग्गहियतराग विहारं विहरेज्जा, णो किंचिवि गिलाएज्जा / / 717 // एस खलु तस्स भिक्खुस्स भिक्खुणीए वा सामग्गियं जं सबहिं समिए सहिए सया जए जासि त्ति बेमि // 718 // तइओद्देसो समत्तो // सेज्जाणामबिइयमज्झयणं समत्तं / / . ॥इरिया णाम तइयं अज्झयणं / "अब्भुवगए खलु वासावासे अभिपवुढे बहवे पाणा अभिसंभूया, बहवे बीयाअहुणुभिण्णा, अंतरा से मग्गा, बहुपाणा बहुबीया, जाव संताणगा, अणभिक्ता पंथा णो विण्णाया मग्गा" सेवं णचा णो गामाणुगामं दूइज्जेज्जा, तओ संजयामेव घासावासं उवल्लिए जा // 719 // से भिक्खू वा 2 से जं पुण जाणिज्जा गार्म वा जाव रायहाणिं वा, इमंसि खलु गामसि वा रायहाणिसि वा णो महई विहारभूमि णो महई वियारभूमि, णो सुलभे पीढफलगसेज्जासंथारए णो सुलभे फासुए अच्छे अहेसणिज्जे बहवे जत्थ समणमाहणअतिहिकिवणवणीमगा उवागया उवागमिस्संति य अच्चाइण्णा वित्ती णो पण्णस्स णिक्खमणपवेसाए जाव धम्माणुओगचिंताए सेवं गच्चा तहप्पगारं गामं वा णगरं वा जाव रायहाणिं वा णो वासावासं उवल्लिएज्जा
