________________ आयारो सु. 2 अ. 3 उ. 1 63 दाहिसि मे एत्तो अण्णयरं संथारगं ?" तहप्पगारं संथारग सयं वा णं जाए जा परो वा से देजा फासुयं एसणिज जाव पडिगाहिज्जा / दोचा पडिमा / / 705 // अहावरा तच्चा पडिमा, से भिक्खू वा 2 जस्सुवस्सए संवसेजा जे तत्थ अहासमण्णागए तंजहा—इक्कडेइ वा जाव पलालेइवा तस्स लाभे संवसेज्जा तस्स अलाभे उक्कुडुए वा णिसज्जिए वा विहरेजा / तच्चा पडिमा / / 706 // अहावरा चउत्था पडिमा, से भिक्खू वा 2 अहा संथडमेव संथारगं जाइज्जा तंजहा--पुढविसिलं कट्ठसिलं वा, अहासंथडमेव तस्स लाभे संते संवसेजा, अलाभे उक्कुडुए वा णिसज्जिए वा विह रेज्जा / चउत्था पडिमा // 707 / / इच्चेयाणं चउण्हं पडिमाणं अण्णयरं पडिमं पडिवज्जमाणे तं चेव जाव अण्णोण्णसमाहीए एवं च णं विहरंति // 708 / / से भिक्व वा 2 अभिकंखेज्जा संथारं पञ्चप्पिणित्तए से जं पुण संथारगं नाणिज्जा सअंडं जाव संताणगं तहप्पगारं संथारगं णो पच्चप्पिणिज्जा // 709 // से भिक्खू वा 2 अभिकंखेज्जा संथारग पञ्चप्पिणित्तए, से जं पुण संथारगं जाणिज्जा अप्पंडं जाव संताणगं तहप्पगारं संथारगं पडिलेहिय 2 पमज्जिय 2 आयाविय 2 विहुणिय 2 तओ संजयामेव पच्चप्पिणेज्जा // 710 // से भिक्खू वा 2 समाणे वा वसमाणे वा गामाणगाम दुइज्जमाणे पुवामेव णं पण्णस्स उच्चारपासवणभूमि पडिलेहिज्जा केवली बूया 'आयाणमेयं' अपडिलेहियाए उच्चारपासवणभूमिए भिक्खू वा भिक्खुणी वा राओ वा वियाले वा उच्चारपासवणं परिवेमाणे, पयलेन्ज वा पवडेज्ज वा से तत्थ पयलेमाणे पवडमाणे वा हत्थं वा पायं वा जाव लूसिज्जा पाणाणि वा 4 जाव ववरोवेज्जा, अह भिक्खूणं पुव्वोवइट्ठा जाव जं पुवामेव पण्णस्स उच्चारपासवणभूमि पहिलेहेज्जा / / 711 // से भिक्ख वा 2 अभिकंखेजा सेज्जासंथारगभूमि पडिलेहित्तए णण्णत्थ आयरिएण वा उवज्झाए ण वा जाव गणावच्छेएण वा बालेण वा बुड्डेण वा से हेण वा गिलाणेण वा आए सेण वा अंतण वा मझेण वा समेण वा विसमेण वा पवाएण वा णिवाएण वा तओ संजयामेव पडिलेहिय 2 पमज्जिय 2 तओ संजयामेव बहुफासुयं सिज्जासंथारगं संथरिज्जा // 712 / / से भिक्खु वा 2 बहुफासुयं सेज्जासंथारंग संथरित्ता अभिकखेज्जा, बहुफासुए सेज्जामंथारए दुरुहित्तए // 713 // से भिक्खू वा 2 बहुफासुए सेज्जासंथारए दुरुहमाणे से पुवामेव ससीसोवरियं कायं पाए य पमज्जिय 2
