________________ भगवई स. 12 उ. 7 747 जोवे असंखेज्जेसु पुढविषकाइयावाससयसहस्सेसु एगमेगंसि पुढविक्काइया. वासंसि पुढविकाइयत्ताए जाव वणस्सइकाइयत्ताए उववण्णपुव्वे ? हंता गोयमा ! जाव अणंतखुत्तो, एवं सव्वजीवावि, एवं जाव वणस्सइकाइएसु। अयण्णं भंते ! जीवे असंखेज्जेसु बेंदियावाससयसहस्सेसु एगमेगंसि बेंदियावासंसि पुढविक्काइय. ताए जाव वणस्सइकाइयत्ताए बेइंदियत्ताए उववण्णपुव्वे ? हंता गोयमा ! जाव अणंतखुत्तो, सव्वजीवावि णं एवं चेव, एवं जाव मणुस्सेसु, णवरं तेइंदिएसु जाव वणस्सइकाइयत्ताए तेइंदियत्ताए चरिदिएसु चरिदियत्ताए पंचिदियतिरिक्खजोणिएसु पंचिदियतिरिक्खजोणियत्ताए मणुस्सेसु मणुस्सत्ताए सेसं जहा बंदियाणं, वाणमंतरजोइसियसोहम्मीसाणेसु य जहा असुरकुमाराणं / अयण्णं भंते ! जीवे सणंकुमारे कप्पे बारससु विमाणावाससयसहस्सेसु एगमे. गसि वेमाणियावासंसि पुढविकाइयत्ताए सेसं जंहा असुरकुमाराणं जाव अणंतखुत्तो, णो चेव णं देवीत्ताए, एवं सव्वजीवावि, एवं जाव आणयपाणएसु, एवं आरणच्चएसुवि / अयण्णं भंते ! जीवे तिसुवि अट्ठारसुत्तरेसु गेविज्जविमाणा. वाससएसु एवं चेव / अयण्णं भंते ! जीवे पंचसु अणत्तरविमाणेसु एगमेगंसि अणुत्तरविमाणसि पुढवि० तहेव जाव अणंतखुत्तो, णो चेव णं देवत्ताए वा देवि. ताए बा एवं सव्वजीवावि / अयण्णं भंते ! जीवे सव्वजीवाणं माइताए पिइ. ताए माइसाए भगिणित्ताए भज्जत्ताए पुसत्ताए धूयत्ताए सुण्हत्ताए उववष्णपुव्वे ? हंता गोयमा ! असई अदुवा अणंतखुत्तो / सव्वजीवावि णं भंते ! इमस्स जीवस्स माइत्ताए जाव उववण्णपुव्वे ? हंता गोयमा ! जाव अणंतखत्तो। अयण्णं भंते ! जीवे सव्वजीवाणं अरित्ताए वेरियत्ताए घायगत्ताए वह. गत्ताए पडिणीयत्ताए पच्चामित्तत्ताए उववण्णपुवे ? हंता गोयमा ! जाव अणंतखुत्तो। सव्वजीवावि णं भंते ! एवं चेव, अयण्णं भंते ! जीवे सव्वजीवाणं रायत्ताए जुवरायत्ताए जाव सत्थवाहत्ताए उववण्णपुव्वे ? हंता गोयमा ! असई जाव अणंतखुत्तो, सव्वजीवाणं एवं चेव / अयण्णं भंते ! जीवे सव्वजीवाणं दासत्ताए पेसत्ताए भयगत्ताए भाइल्लगत्ताए भोगपुरिसत्ताए सीसत्ताए वेसत्ताए उववण्णपुव्वे ? हंता गोयमा ! जाव अणंतखुत्तो, एवं सव्वमीवावि जाव अगंतखुत्तो / सेवं भंते ! सेवं भंते / ति जाव विहरइ // 457 //
