________________ 748 अंग-पविटु सुत्ताणि बारसमं सयं अट्ठमो उद्देसो तेणं कालेणं तेणं समएणं जाव एवं वयासी-देवे णं भंते ! महिड्डिए जाव महेसक्खे अणंतरं चयं चइत्ता बिसरीरेसु णागेसु उववज्जेज्जा ?हता गोयमा ! उववज्जेज्जा, से णं तत्थ अच्चियवंदियपूइयसकारियसम्माणिए दिव्वे सच्चे सच्चोवाए संणिहियपाडिहेरे यावि भवेज्जा ? हंता भवेज्जा / से णं भंते ! तओहितो अणंतरं उध्वट्टित्ता सिज्झेज्जा बुज्झज्जा जाव अंतं करेज्जा ? हंता सिज्झेज्जा जाव अंतं करेज्जा / देवे णं भंते ! महिड्डिए एवं चेव जाव बिसरोरेसु मणीसु उववज्जेज्जा, एवं चेव जहा णागाणं / देवे णं भंते ! महिड्डिए जाव बिसरीरेसु रुक्खेसु उववज्जेज्जी ? हंता उववज्जेज्जा, एवं चेव, णवरं इमं णाणत्तं जाव सण्णिहियपाडिहेरे लाउल्लोइयमहिए यावि भवेज्जा ? हंता भवेज्जा, सेसं तं चेव जाव अंतं करेज्जा // 458 / / अह भंते ! गोलंगलवसभे कुक्कुडवसभे मंडुक्कवसभे एए गं णिस्सीला णिव्वया णिग्गुणा णिम्मेरा णिप्पच्चक्खाणपोसहोववासा कालमासे कालं किच्चा इमीसे रयणप्पभाए पुढवीए उक्कोसेणं सागरोवमदिईयंसि परंयंसि रइयत्ताए उववज्जेज्जा? समणे भगवं महावीरे वागरेइ-उववज्जमाणे उक्वण्णेत्ति वत्तव्वं सिया / अह भंते ! सीहे वग्घे जहा उस्सप्पिणी उद्देसए जाव परस्सरे एए गं णिस्सीला एवं चेव जाव वत्तव्वं सिया / अह भंते ! ढंके कंके विलए मग्गुए सिखीए, एए गं णिस्सीला० सेसं तं चेव जाव वत्तव्वं सिया / सेवं भंते ! सेवं भते ! त्ति जाव विहरइ / / 456 // बारसमं सयं णवमो उद्देसो . कइविहा णं भंते ! देवा पण्णत्ता ? गोयमा ! पंचविहा देवा पण्णत्ता, तंजहा-भवियदव्वदेवा 1 णरदेवा 2 धम्मदेवा 3 देवाहिदेवा 4 भावदेवा 5 / से केणठेणं भंते ! एवं वुच्चइ-भवियदव्वदेवा-भवियदव्वदेवा ? गोयमा ! जे भविए पंचिदियतिरिक्खजोणिए वा मणस्से वा देवेसु उववज्जित्तए से तेणठेणं गोयमा ! एवं वुच्चइ भवियदव्वदेवा 2 / से केणठेणं भंते ! एवं वुच्चइ णरदेवा-णरदेवा ? गोयमा ! जे इमे रायाणो चाउरंतचक्कवटी उप्पण्णसमत्त. चक्करयणप्पहाणा णवणिहिपइणो समिद्धकोसा बत्तीसं रायवरसहस्साणुयायमग्गा सागरवरमेहलाहिवइणो मणुस्सिदा से तेण→णं जाव. गरदेवा 2 / से
