________________ 746 अंग-पविट्ठ सुत्ताणि अयासहस्सं पक्खिवेज्जा, ताओ णं तत्थ पउरगोयराओ पउरपाणियाओ जहण्णेणं एगाहं वा दुयाहं वा तियाहं वा उक्कोसेणं छम्मासे परिवसेज्ना, अस्थि णं गोयमा ! तस्स अयावयस्स केई परमाणुपोग्गलमेत्तेवि पएसे जेणं तासि अयाणं उच्चारेण वा पासवणेण वा खेलेण वा सिंघाणएण वा वंतेण वा पित्तण वा पूएण वा सुक्केण वा सोणिएण वा चम्महि वा रोमेहि वा सिहि वा खुरेहि वा पहेहिं वा अणक्कंतपुव्वे भवइ ? भगवं! णो इणठे समझें / होज्जावि णं गोयमा ! तस्स अयावयस्स केई परमाणुपोग्गलमेत्तेवि पएसे जे णं तासि अयाणं उच्चारेण वा जाव णहेहि वा अणक्कंतपुब्वे णो चेव णं एयंसि एमहालयंसि लोगंसि लोग़स्स य सासयं भावं संसारस्स य अणाइभावं जीवस्स य णिच्चभावं कम्मबहुत्तं जम्मणमरणबाहुल्लं च पडुच्च णस्थि केइ परमाणुपोग्गलमेत्तेवि पएसे जत्थ णं अयं जीवे ण जाए वा ण मए वावि, से तेणढेणं तं चेव जाव ण मए वावि // 456 // कइ णं भंते ! पुढवीओ पण्ण. त्ताओ ? गोयमा ! सत्त पुढवीओ पण्णताओ जहा पढमसए पंचमउद्देसए तहेव आवासा ठावेयव्वा जाव अणुत्तरविमाणेत्ति जाव अपराजिए सव्वट्ठ. सिद्धे / अयण्णं भंते ! जीवे इमीसे रयणप्पभाए पुढवीए तीसाए णिरयावास. सयसहस्सेसु एगमेगंसि णिरयावासंसि पुढविकाइयत्ताए जाव वणस्सइकाइयत्ताए णरगत्ताए णेरइयत्ताए उववण्णपुटवे ? हंता गोयमा ! असई अदुवा अणंतखुत्तो। सव्वजीवा वि णं भंते ! इमीसे रयणप्पभाए पुढवीए तीसाए णि रया. वाससयसहस्सेसु तं चेव जाव अणंतखुत्तो / अयण्णं भंते ! जीवे सक्करप्पभाए पुढवीए पणवीसाए एवं जहा रयणप्पभाए तहेव दो आलावगा भाणियव्वा, एवं जाव धूमप्पभाए / अयण्णं भंते ! जीवे तमाए पुढवीए पंचूणे णिरयावास. सयसहस्से एगमेगंसि सेसं तं चेव, अयण्णं भंते ! जीव अहेसत्तमाए पुढवीए पंचसु अणुत्तरेसु महइमहालएसु महाणिरएसु एगमेगंसि णिरयावासंसि सेसं जहा रयणप्पभाए / अयण्णं भंते ! जीवे चउसट्ठीए असुरकुमारावाससयसहस्सेसु एगमेगंसि असुरकुमारावासंसि पुढविक्काइयत्ताए जाव वणस्सइ. काइयत्ताए देवत्ताए देवित्ताए आसणसयणमंडमत्तोवगरणत्ताए उववण्णपुवे ? हंता गोयमा ! जाव अणंतखुत्तो, सव्वजीवावि णं भंते ! एवं चेव, एवं जाव थणियकुमारेसु, णाणत्तं आवासेसु, आवासा पुव्वभणिया / अयण्णं भंते !
