________________ 706 अंग-पविट्ठ सुत्ताणि जाव पंचिदिएसु अणिदिएसु तियभंगो, जे अजीवा ते दुविहा पण्णत्ता, तंजहारूवी अजीवा य अरूवी अजीवा य, रुवी तहेव, जे अरूवी अजीवा ते पंचविहा पण्णसा, तंजहा-णो धम्मस्थिकाए धम्मत्थिकायस्स देसे 1 धम्मत्थिकायस्स पएसे 2 एवं अहम्मत्थिकायस्सवि 4 अद्धासमए 5 / तिरियलोयखेत्तलोयस्स णं भंते ! एगंमि आगासपएसे किं जीवा० ? एवं जहा अहोलोयखेत्तलोयस्स तहेव, एवं उड्डलोयखेत्तलोयस्सवि, णवरं अद्धासमओ णत्थि, अरूवी चउविहा लोयस्स जहा अहेलोयखेत्तलोयस्स एगंमि आगासपएसे। अलोयस्सणं भंते ! एगमि आगासपएसे० पुच्छा, गोयमा ! णो जीवा णो जीवदेसा तं चेव जाव अणंतेहिं अगुरुयलहुयगुणेहिं संजुत्ते * सव्वागासस्स अणंतभागणे / दव्वओं णं अहेलोयखेत्तलोए अणंताई जीवदव्वाइं अगंताई अजीवदव्वाइं अणंता जीवाजीवदवा एवं तिरियलोयखेतलोएवि, एवं उडलोयखेत्तलोएवि, दव्वओ णं अलोए णेवत्थि जीवदव्वा णेवत्थि अजीवदव्वा वत्थि जीवाजीवदव्वा एगे अजीवदव्वदेसे जाव सव्वागासस्स अणंतभागणे / कालओ णं अहेलोयखेत्तलोए ण कयाइ णासि जाव णिच्चे एवं जाव अलोए / भावओ णं अहेलोयखेत्तलोए अणंता वण्णपज्जवा जहा खंदए जाव अणंता अगुरुयलहुयपज्जवा एवं जाव लोए, भावओणं अलोए णेवत्थि वण्णपज्जवा जाव णेवत्थि अगुरुयलहुयपज्जवा एगे अजीवदव्वदेसे जाव अणंतभागणे // 416 // लोए णं भंते ! केमहालए पण्णते ? गोयमा ! अयणं जंबहीवे 2 सव्वदीव० जाव परिक्खेवेणं, तेणं कालेणं तेणं समएणं छ देवा महिड्रिया जाव महेसक्खा जंबुद्दीवे 2 मंदरे पव्वए मंदरचूलियं सव्वओ समंता संपरिक्खित्ताणं चिट्ठज्जा, अहे णं चत्तारि दिसा. कुमारीओ महत्तरियाओ चत्तारि बलिपिडे गहाय जंबुद्दीवस्स 2 चउसुवि दिसासु बहियामिमुहीओ ठिच्चा ते चत्तारि बलिपिंडे जमगसमगं बहियाभि. महे पक्खिवेज्जा, पभ णं गोयमा ! तओ एगमेगे देवे ते चत्तारि बलिपिडे धरणितलमसंपत्ते खिप्पामेव पडिसाहरित्तए, ते णं गोयमा ! देवा ताए उक्किटाए जाव देवगईए एगे देवे पुरच्छाभिमुहे पयाए एवं दाहिणाभिमुहे एवं पच्चत्थाभिमुहे एवं उत्तराभिमुहे एवं उड्डाभिमुहे एगे देवे अहोभिमुहे पयाए, तेणं कालेणं तेणं समएणं वाससहस्साउए दारए पयाए, तए णं तस्स दारगस्स अम्मापियरो पहीणा भवंति णो चेव णं ते देवा लोगंतं संपाउणंति, तए णं
