________________ भगवई स. 11 उ. 10 707 तस्स दारगस्स आउए पहीणे भवइ णो चेव णं जाव संपाउणंति, तए णं तस्स दारगस्स अद्धिमिजा पहीणा भवंति णो चेव णं ते देवा लोगंतं संपाउणंति, तए गं तस्स दारगस्स आसत्तमेवि कुलवंसे पहीणे भवइ णो चेव णं ते देवा लोगंतं संपाउणंति, तए णं तस्स दारगस्स णामगोएवि पहीणे भवइ णो चेव णं ते देवा लोगंतं संपाउणंति, तसि णं भंते ! देवाणं कि गए बहुए अगए बहुए गोयमा ! गए बहुए णो अगए बहुए, गयाउ से अगए असंखेज्जइभागे अगयाउ से गए असंखेज्जगुणे, लोए णं गोयमा ! एमहालए पण्णत्ते / अलोए गं भंते ! केमहालए पण्णत्ते ? गोयमा ! अयम् समयखेत्ते पणयालीसं जोयणसयसहस्साई आयामविक्खंभेणं जहा खंदए जाव परिक्खेवेणं, तेणे कालेणं तेणं समएणं दस देवा महिड्डिया तहेव जाव संपरिक्खित्ताणं संचिट्ठज्जा, अहे गं अटु दिसाकुमारीओ महत्तरियाओ अट्ट बलिपिडे गहाय माणुसुत्तरस्स पटवयस्स चउसुवि दिसासु चउसुवि विदिसासु बहियाभिमुहीओ ठिच्चा ते अट्ठ बलिपिडे जमगसमगं बहियाभिमुहीओ पक्खिवेज्जा, पभू गं गोयमा ! तओ एगमेगे देवे ते अट्ठ बलिपिडे धरणितलमसंपत्ते खिप्पामेव पडिसाहरित्तए, ते णं गोयमा ! देवा ताए उक्किट्ठाए जाव देवगईए लोगते ठिच्चा असभावपट्टवणाए एगे देवे पुरत्थाभिमुहे पयाए एगे देवे दाहिगपुरत्थाभिमुहे पयाए एवं जाव उत्तरपुरत्याभिमुहे पयाए एगे देवे उड्डाभिमुहे एगे देवे अहोभिमुहे पयाए, तेणे कालेणं तेणं समएणं वाससयसहस्साउए दारए पयाए, तए णं तस्स दारगस्स अम्मापियरो पहीणा भवंति णो चेव गं ते देवा आलोयंतं संपाउणंति, तं चेव जाव तेसि गं भंते ! देवाणं किं गए बहुए अगए बहुए ? गोयमा ! णो गए बहुए अगए बहुए, गयाउ से अगए अणंतगुणे अगयाउ से गए अणंतभागे, अलोए गं गोयमा ! एमहालए पण्णत्ते // 420 // लोयस्स गं भंते ! एगमि आगास. पएसे जे एगिदियपएसा जाव पंचिदियपएसा अणिदियपएसा अण्णमण्णबद्धा अण्णमण्णपुट्ठा जाव अण्णमण्णसमभरघडत्ताए चिट्ठति? अस्थि गं भते.! अण्णमण्णस्स किंचि आबाहं वा वाबाहं वा उप्पायंति छविच्छेदं वा करेंति ? णो इणठे समझें / से केणठेणं भंते ! एवं वुच्चइ लोयस्स णं एगंमि आगासपएसे जे एगिदियपएसा जाव चिट्ठति गत्थि गं भंते ! अण्णमण्णस्स किंचि आबाहं वा जाव करेंति ? गोयमा ! से जहाणामए पट्टिया सिया सिंगारागारचारवेसा
