________________ भगवई स. 11 उ. 10 705 रयणप्पभापुढविअहेलोयखेत्तलोए जाव अहेसत्तमापुढविअहेलोयखेत्तलोए / तिरियलोयखेत्तलोए णं भंते ! कइविहे पण्णत्ते ? गोयमा ! असंखेज्जविहे पण्णत्ते, तंजहा-जंबुद्दीवे 2 तिरियलोयखेत्तलोए जाव सयंभूरमणसमुद्दे तिरियलोयखित्तलोए / उड्डलोयखेत्तलोए णं भंते ! कइविहे पण्णत्ते ? गोयमा ! पण्णरसविहे पण्णत्ते, तंजहा- सोहम्मकप्पउडलोयखेत्तलोए जाव अच्चयकप्प. उडलोयखेत्तलोए गेवेज्जविमाणउडलोयखेत्तलोए अणुत्तरविमाणउडलोयखेत्तलोए ईसिपब्भारपुढविउड्डलोयखेत्तलोए / अहेलोयखेत्तलोए गं भंते ! कि संठिए पणते ? गोयमा ! तप्पागारसंठिए पण्णत्ते / तिरियलोयखेत्तलोए गं भंते ! किसंठिए पण्णत्ते ? गोयमा ! झल्लरिसंठिए पण्णत्ते / उडलोयखेतलोय० पुच्छा, गोयमा ! उडमइंगाकारसंठिए पण्णत्ते / लोए णं भंते ! किंसंठिए पण्णते ? गोयमा ! सुपइट्ठगसंठिए लोए पण्णत्ते, तंजहा-हेट्ठा विच्छिण्णे मज्झे संखित्ते जहा सत्तमसए पढ मुद्देसए जाव अंतं करेइ / अलोए गं भंते ! कि संठिए पण्णत्ते ? गोयमा ! झुसिरगोलसंठिए पण्णत्ते / अहेलोयखेत्तलोए णं भंते | कि जीवा जीवनेसा जीवपएसा० ? एवं जहा इंवा दिसा तहेव णिरवसेसं भाणियध्वं जाव अद्धासमए / तिरियलोयखेत्तलोए णं भंते ! कि जीवा० ? एवं चेव उड्डलोयखेत्तलोएवि, णवरं अरूवी छविहा अद्धासमओ णस्थि / लोए णं भंते ! कि जीवा० ? जहा बिइयसए अस्थि उद्देसए लोयागासे, णवरं अरूवी सत्तविहा जाव अहम्मत्थिकायस्स पएसा णो आगासत्थिकाए आगासस्थिकायस्स देसे आगासस्थिकायस्स पएसा अद्धासमए, सेसं तं चेव / अलोए गं भंते ! कि जीवा० ? एवं जहा अस्थिकायउद्देसए अलोयागासे तहेव गिरवसेसं जाव अगंतभागूणे / अहेलोयखेत्तलोयस्स णं भंते ! एगंमि आगासपए से कि जीवा जीवदेसा जीवप्पएसा अजीवा अजीवदेसा अजीवपएसा? गोयमा ! णो जीवा जीवदेसावि जीवपएसावि अजीवावि अजीवदेसावि अजीवपएसावि। जे जीवदेसा ते णियमा एगिदिय देसा 1 अहवा एगिदियदेसा य बेइंदियस्स देसे 2 अहवा एगिदियदेसा य बेइंदियाण य देसा 3 एवं मज्झिल्ल. विरहिओ जाव अणिदिएसु जाव अहवा एगिदियदेसा य अणिदियाण य देसा, जे जीवपएसा ते णियमा एगिदियपएसा 1 अहवा एगिदियपएसा य बेइंदियस्स पएसा 2 अहवा एगिदियपएसा य बेइंदियाण य पएसा 3 एवं आइल्लविरहिओ
