________________ 702 अंग-पविट्ठ सुत्ताणि पगइभद्दयाए जाव विणीययाए अण्णया कयाइ तयावरणिज्जाणं कम्माणं खओ वसमेणं ईहापोहमग्गणगवेसणं करेमाणस्स विभंगे णाम अण्णाणे समुप्पण, से णं तेणं विभंगणाणेणं समुप्पण्णेणं पासइ अस्सि लोए सत्त दीवे सत्त समुद्दे तेण परं ण जाणइ, ण पासइ, तए णं तस्स सिवस्स रायरिसिस्स अयमेयारूवे अन्भत्थिए जाव समुप्पज्जित्था--अस्थि गं ममं अइसेसे पाणदंसणे समु. प्पण्णे एवं खलु अस्सि लोए सत्त दीवा सत्त समुद्दा तेण परं वोच्छिण्णा दीवा य समुद्दा य, एवं संपेहेइ 2 ता आयावणभमीओ पच्चोरुहइ आ० 2 त्ता वागलवत्थणियत्थे जेणेव सए उडए तेणेव उवागच्छइ 2 ता सुबहं लोहीलोहकडाहकडुच्छ्यं जाव भंडगं किढिणसंकाइयं च गेण्हइ 2 ता जेणेव हत्थिणापुरे णयरे जेणेव तावसावसहे तेणेव उवागच्छइ 2 त्ता भंडणिक्खेवं करेइ 2 त्ता हथिणापुरे णयरे सिंघाडगतिग जाव पहेसु बहुजणस्स एवमाइक्खई जाव एवं परूवेई-अस्थि णं देवाणुप्पिया ! ममं अइसेसे णाणदंसणे समुप्पण्णे, एवं खल अस्सि लोए जाव दीवा य समहाय, तए णं तस्स सिवस्स रायरिसिस्स अंतियं एयमलैं सोच्चा णिसम्म हत्थिणापुरे ‘णयरे सिंघाडगतिग जाव पहेसु बहुजणो अण्णमण्णस्स एवमाइक्खइ जाव परूवेइ-एवं खलु देवाणुप्पिया ! सिवे रायरिसी एवं आइक्खइ जाव परवेइ-अस्थि णं देवाणप्पिया ! मम अइसेसे पाणदंसणे समुप्पण्णे जाव तेण परं वोच्छिण्णा दीवा य समुद्दा य से कहमेयं मण्णे एवं ? / तेणं कालेणं तेणं समएणं सामी समोसढे परिसा जाव पडिगया। तेणं कालेणं तेणं समएणं समणस्स भगवओ महावीरस्स जेठे अंतेवासी जहा बिइयसए णियंठुद्देसए जाव अडमाणे बहुजणसई णिसामेइ बहुजणो अण्णमण्णस्स एवं आइक्ख इ जाव एवं परूवेइ-एवं खलु देवाणुप्पिया! सिवे रायरिसी एवं आइक्खइ जाव परूवेइ-अस्थि णं देवाणप्पिया ! तं चेव जाव वोच्छिण्णा दीवा य समुद्दा य, से कहमेयं मण्णे एवं ? तए णं भगवं गोयमे बहुजणस्स अंतियं एयम→ सोच्चा णिसम्म जायसड्ढे जहा णियंठुद्देसए जाव तेण परं वोच्छिण्णा दीवा य समुद्दा य, से कहमेयं भंते ! एवं ? गोयमादि समणे भगवं महावीरे भगवं गोयमं एवं वयासी-जण्णं गोयमा ! से बहुजणे अण्णमण्णस्स एवमाइक्खइ तं चेव सव्वं भाणियव्वं जाव भंडणिक्खेवं करेइ हत्थिणापुरे णयरे सिंघाडग० तं चेव जाव वोच्छिण्णा दीवा य समुद्दा य, तए गं तस्स सिवस्स रायरिसिस्स अंतिए एयमझें सोच्चा णिसम्म तं चेव सव्वं
