________________ भगवई स. 11 उ. 9 703 भाणियत्वं जाव तेण परं वोच्छिण्णा दीवाय समुद्दा य तण्णं मिच्छा / अहं पुण गोयमा ! एवमाइक्खामि जाव परूवेमि-एवं खलु जंबुद्दीवाईया दीवा लवगाईया समुद्दा संठाणओ एगविहिविहाणा वित्थारओ अणेगविहिविहाणा एवं जहा जीवाभिगमे जाव सयंभूरमणसमुद्दपज्जवसाणा अस्सि तिरियलोए असंखेज्जा दीवसमुद्दा पण्णत्ता समणाउसो ! अस्थि णं भंते ! जंबुद्दीवे दीवे दव्वाइं सवण्णाईपि अवण्णाइपि सगंधाइंपि अगंधाइंपि सरसाइपि अरसाइंपि सफासाईपि अफासाईपि अण्णमण्णबद्धाइं अण्णमण्णपुट्ठाई जाव घडताए चिट्ठति ? हंता अस्थि / अत्थि णं भंते ! लवणसमुद्दे दव्वाइं सवण्णाईपि अवण्णाइंपि सगंधाइंपि अगंधाइंपि सरसाइंपि अरसाइंपि सफासाइंपि अफासाइंपि अण्णमण्णबद्धाइं अण्णमण्णपुट्ठाई जाव घडताए चिट्ठति ? हंता अस्थि / अस्थि गं भंते ! धायइसंडे दीवे दव्वाइं सवण्णाइंपि० एवं चेव, एवं जाव सयंभूरमणसमुद्दे जाव हंता अस्थि / तए णं सा महइमहालिया महच्चपरिसा समणस्स भगवओ महावीरस्स अंतियं एयमह्र सोच्चा णिसम्म हट्टतुट्ठा समणं भगवं महावीरं वंदइ णमंसइ वंवित्ता णमंसित्ता जामेव दिसि पाउन्भूया तामेव दिसि पडिगया, तए णं हत्थिणापुरे गयरे सिंघाडग जाव पहेसु बहुजणो अण्णमण्णस्स एवमाइक्खइ जाव परुवेइ-जण्णं देवाणप्पिया ! सिवे रायरिसी एवमाइक्खइ जाव परूवेइ-अस्थि णं देवाणप्पिया ! ममं अइसेसे णाणदंसणे समुद्दा य, तं जो इणठे समठे, समणे भगवं महावीरे एवमाइक्खइ जाव परूवेइ-एवं खलु एयस्स सिवस्स रायरिसिस्स छठंछठेणं तं चेव जाव भंडणिक्खेवं करेइ भंडणिक्खेवं करेत्ता हत्थिणापुरे गयरे सिंघाडग जाव समुद्दा य, तए णं : तस्स सिवस्स रायरिसिस्स अंतियं एयम→ सोच्चा णिसम्म जाव समुद्दा य, तण्णं मिच्छा, समणे भगवं महावीरे एवमाइक्खइ०-एवं खलु जंबुद्दीवाईया दीवा लवणाईया समुद्दा तं चेव जाव असंखेज्जा दीवसमुद्दा पण्णत्ता समणाउसो ! तए णं से सिवे रायरिसी बहुजणस्स अंतियं एयमह्र सोच्चा णिसम्म संकिए कंखिए वितिपिच्छिए भेदसमावण्णे कलुससमावण्णे जाए यावि होत्था, तए णं तस्स सिवस्स रायरिसिस्स संकियस्स कंखियस्स जाव कलुससमावण्णस्स से विभंगे अण्णाणे खिप्पामेव परिबडिए / तए णं तस्स सिवस्स रायरिसिस्स अय'मेयारूवे अब्भत्थिए जाव समुप्पज्जित्था-एवं खलु समणे भगवं महावीरे आइ. . गरे तित्थगरे जाव सव्वष्णू सव्वदरिसी आगासगएणं चक्केणं जाव सहसंबवणे
