Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 713

700 अंग-पविट्ट सुत्ताणि णायगदंडणायग जाव संधिपाल सद्धि संपरिवुडे सिवभई कुमारं सोहासणवरंसि पुरस्थामिमुहं णिसीयावेइ 2 ता अट्ठसएणं सोवणियाणं कलसाणं जाव अट्ठसएप भोमेज्जाणं कलसाणं सविड्ढीए जाव रवेणं महया 2 रायाभिसेएणं अभिसिंचइ 2 ता पम्हलसुकुमालाए सुरभीए गंधकासाईए गायाइं लहेइ पम्ह० 2 ता सरसेणं गोसीसेणं एवं जहेव जमालिस्स अलंकारो तहेव जाव कप्परुक्खगंपिव अलंकियविभूसियं करेइ 2 ता करयल जाव कटु सिवभई कुमारं जएणं विजएणं वद्धाति जएणं विजएणं वद्धावेत्ता ताहि इटाहि कंताहि पियाहिं एवं जाव उववाइए कूणियस्स जाव परमाउं पालयाहि इट्ठजणसंपरियुडे हथिणापुरस्स णय. रस्स अण्णेसिं च बहूणं गामागरणयर जाव विहराहित्तिकटु जयजयसई परांजंति। तए णं से सिवभद्दे कुमारे राया जाए महया हिमवंत० वण्णओ जाव विहरइ / तए णं से सिवे राया अण्णया कयाई सोहणंसि तिहिकरणदिवसमुहसणक्यत्तसि विपुलं असणं पाणं खाइमं साइमं उवक्खडावेइ उवक्खडावेत्ता मित्तणाइणियग जाव परिजणं रायाणो य खत्तिए य आमंतेइ आमंतेसा तओ पच्छा व्हाए जाव सरीरे भोयणवेलाए भोयणमंडवंसि सुहासणबरगए तेणं मित्तणाइणियगसयण जाव परिजणेणं राएहि य खत्तिएहि य सद्धि विपुलं असणं पाणं खाइमं साइमं एवं जहा तामली जाव सक्कारेइ सम्माणेइ सक्कारेत्ता सम्माणेत्ता तं मित्त. णाइणियग जाव परिजणं रायाणो य खत्तिए य सिवमदं च रायाणं आपुच्छइ आपुच्छित्ता सुबहुं लोहीलोहकडाहकडुच्छुयं जाव भंडगं गहाय जे इमे गंगाकुलगा वाणपत्था तावसा भवंति तं चेव जाव तेसि अंतियं मुंडे भवित्ता दिसापोक्खियतावसत्ताए पव्वइए, पव्वइएऽविय गं समाणे अयमेयारूवं अभिग्गहं अभिगिण्हइ कप्पइ मे जावज्जीवाए छठें तं चेव जाव अभि. गह अभिगिण्हइ 2 ता पढमं छटक्खमणं उवसंपज्जित्ता णं विहरइ / तए णं से सिबे रायरिसी पढमछटुक्खमणपारणगंसि आयावणभमीए पच्चोल्हइ आया. वणममीए पच्चोरुहित्ता वागलवथणियत्थे जेणेव सए उडए तेणेव उवागच्छइ तेणेव उवागच्छित्ता किढिणसंकाइयगं गिण्हइ गिण्हित्ता पुरथिमं दिसि पोक्खेइ पुरस्थिमाए दिसाए सोमे महाराया पत्थाणे पत्थियं अभिरक्खउ सिवं राय. रिसि अभि० 2, जाणि य तत्थ कंदाणि य मूलाणि य तयाणि य पत्ताणि य पुप्फाणि य फलाणि य बीयाणि य हरियाणि य ताणि अणुजाणउत्ति कट्ट