________________ भगवई स. 11 उ. 9 . सिवस्स रंण्णो अण्णया कयाइ पुठवरत्तावरत्तकालसमयंसि रज्जधुरं चितेमाणस्स अयमेयासवे अज्झथिए जाव समुप्पज्जित्था-अत्थि ता मे पुरा पोराणाणं जहा तामलिस्स जाव पुत्तेहि वड्डामि पसूहि वड्डामि रज्जेणं वड्डामि एवं रट्टेणं बलेणं वाहणेणं कोसेणं कोट्ठागारेणं पुरेणं अंतेउरेणं वड्डामि विपुलधणकणगरयण जाव संतसारसावएज्जेणं अईव 2 अभिवड्डामि, तं किणं अहं पुरा पोराणाणं जाव एगंतसोक्खयं उब्वेहमाणे विहरामि ? तं जाव ताव अहं हिरणेणं वड्डामि तं चेव जाव अभिवड्डामि जाव मे सामंतरायाणोवि वसे वटुंति ताव ता मे सेयं कल्लं पाउप्पभायाए जाव जलते सुबहुं लोहीलोहकडाहकडुच्छुयं तंबियं तावस. भंडगं घडावेत्ता सिवभई कुमारं रज्जे ठावेत्ता तं सुबहुं लोहीलोहकडाहकडुच्छुयं तंबियं तावसभंडगं गहाय जे इमे गंगाकले वाणपत्था तावसा भवंति, तं०-होतिया पोतिया कोत्तिया जण्णई सट्टई थालई हुंबउट्ठा दंतुक्ख लिया उम्मज्जगा संमज्जगा णिम्मज्जगा संपक्खाला उद्धकंडूयगा अहोकडूयगा दाहिणकूलगा उत्तर. कूलगा संखधमगा कूलधमगा मियलुद्धया हत्थितावसा जलाभिसेयकढिणगाया अंबुवासिणो वाउवासिणो जलवासिणो चेलवासिणो अंबुभक्खिणो वाउभक्खिणो सेवालभक्खिणो मूलाहारा कंदाहारा पत्ताहारा तयाहारा पुप्फाहारा फलाहारा बीयाहारा परिसडियकंदमूलतयपंडपत्तपुप्फफलाहारा उदंडगा रुक्खमूलिया बिलवासिणो वक्क (ल) वासिणो दिसापोक्खिणो आयावणाहिं पंचग्गितावेहि इंगालसोल्लियंपिव कंदुसोल्लियंपिव कटुसोल्लियंपिव जाव अप्पाणं करेमाणा विहरति / तत्थ णं जे ते दिसापोक्खियतावसा तेसि अंतियं मुंडे भवित्ता दिसापोक्खियतावसत्ताए पव्वइत्तए, पन्वइएवि य णं समाणे अयमेयारूवं अभिग्गहं अभिगिहिस्सामि-कप्पइ मे जावज्जीवाए छठंछठेणं अणिविखत्तेणं दिसा. चक्कवालेणं तवोकम्मेणं उड्ढं बाहाओ पगिज्झिय 2 जाव विहरित्तएत्तिक१, एवं संपेहेइ संपेहेत्ता कल्लं जाव जलते सुबहुं लोहीलोह जाव घडावेत्ता कोडंबिय. पुरिसे सद्दावेइ सद्दावेत्ता एवं वयासो-खिप्पामेव भो देवाणुप्पिया ! हथिणा. पुरं जयरं सब्भितरबाहिरियं आसिय जाव तमाणत्तियं पच्चप्पिणंति / तए गं से सिवे राया दोच्चंपि कोडुंबियपुरिसे सद्दावेइ 2 ता एवं वयासी-खिप्पामेव भो देवाणूप्पिया ! सिवभहस्स कुमारस्स महत्थं 3 विउलं रायाभिसेयं उवट्ठवेह, तए गं ते कोडुंबियपुरिसा तहेव जाव उवट्ठति / तए णं से सिवे राया अणेंगगण.
