________________ आयारो सु. 2 अ. 2 उ. 2 57 अह भिक्खू उच्चावयं मणं, णियछेज्जा, “एरिसिया वा सा णो वा एरिसिया" इइ वा णं बूया, इइ वा णं मणं साएजा, अह भिक्खूणं पुव्वोवइट्ठा 4 जाव जं तहप्पगारे उवस्सए णो ठाणं वा जाव चेए जा // 66 // आयाणमेयं भिक्खुस्स गाहावइहिं सद्धिं संवसमाणस्स इह खलु गाहावइणीओ वा, गाहावइधूयाओ वा, गाहावइ. सुण्हाओ वा, गाहावइधाईओ वा, गाहावइदासीओ वा, गाहावइकम्मकरीओ वा, तासिं च णं एवं वुत्तपुव्वं भवइ, “जे इमे भवंति समणा भगवंतो जाव उवरया मेहुणधम्माओ णो खलु एएसिं कप्पइ मेहुणंधम्मं परियारणाए आउट्टित्तए जा य खलु एएहिं सद्धिं मेहणधम्म परियारणाए आउट्टाविज्जा पुत्तं खलु सा लभेज्जा, ओयत्सि तेयस्सिं वचस्सिं जसस्सिं संपराइयं आलोयणदरिसिणिज्ज," एयप्पगारं णिग्धोसं सोचा णिसम्म तासिं च णं अण्णयरी सड्डी तं तवस्सिं भिक्खं मेहुणधम्मपरियारणाए आउट्टावेज्जा, अह भिक्खूणं पुबोवइट्ठा जाव जं तहप्पगारे सागारिए उवस्सए णो ठाणं वा सेज्जं वा णिसीहियं वा चेएज्जा // 666 // एयं खलु तस्स भिक्खुस्स भिक्षुणीए वा सामग्गियं // 667 // सेज्जाज्झयणस्स पढमोद्देसो समतो॥ गाहावइ णामेगे सुइसमायारा भवंति से भिक्खू य असिणाणाए मोयसमायारे से तग्गंधे दुग्गंधे पडिकूले पडिलोमे यावि भवइ, जं पुवकम्मं, जं पच्छाकम्मं तं पच्छाकम्मं तं पुवकम्मं तं भिक्खुपडियाए वट्टमाणे करेजा वा णो करेज्जा वा अह भिक्खूण पुव्योवइट्ठा जाव जं तहप्पगारे उवस्सए णो ठाणं वा जाव चेएज्जा।६६८। आयाणमेयं भिक्खुस्स गाहावइहिं सद्धिं संवसमाणस्स इह खलु गाहावइस्स अप्पणो सअट्ठाए विरूवरूवे भोयणजाए उवक्खडिए सिया अह पच्छा भिक्खुपडियाए असणं वा 4 उवरवडेज्ज वा उवकरेज्ज वा तं च भिक्खू अभिकंखेज्जा भोत्तए वा पायए वा वियट्टित्तए वा अह भिक्खूणं पुब्बोवइट्ठा जाव जं तहप्पगारे उवस्सए णो ठाणं चेएज्जा॥६६९।। आयाणमेयं भिक्खुस्स गाहावइणा सद्धिं संवसमाणस्स इह खलु गाहावइस्स अप्पगो सयट्ठाए विरूवरूवाई दारुयाई भिण्णपुवाई भवंति, अह पच्छा भिक्खुपडियाए विरूवरूवाइं दारुयाई भिंदेज्ज वा, किणेज्ज वा पामिचेज्ज वा, दारुणा वा दारुपरिणामं कटु अगणिकायं उज्जालेज्ज वा, पज्जालेन्न वा, तत्थ भिक्खू अभिकखेज वा आयावेत्तए वा, पयावेत्तए वा, वियट्टित्तए वा,
