________________ 56 अंग-पविट्ट सुत्ताणि प्पगारे उवस्सए अंतलिक्खजाए णो ठाणं वा सेज्जं वा णिसीहियं वा चेएज्जा // 661 / / से भिक्खू वा 2 से जं पुण उवस्सयं जाणिज्जा सइत्थियं सखुड़े सपसुभत्तपाणं तहप्पगारे सागारिए उवस्सए णो ठाणं वा सेज्जं वा णिसीहियं वा चेएज्जा, आयाणमेयं भिक्खुस्स गाहावइकुलेण सद्धिं संवसमाणस्स अलसए वा विसूइया वा छड्डी वा उव्वाहिज्जा अण्णयरे वा से दुक्खे रोगायंके समुप्पज्जेज्जा असं. जए कलुणवडियाए तं भिक्खुस्स गायं तेलेण वा,घएण वा, णवणीएण वा, वसाए वा उव्वदृणेण वा अब्भंगेज्ज मक्खिज्ज वा, सिणाणेण वा, कक्केण वा, लोहेण वा, वण्णेण वा, चुण्णेण वा, पउमेण वा,आघंसेज्ज वा पघंसेज वा,उव्वलेज्ज वा,उवट्टेज्ज वा, सीओदगवियडेण वा, उसिणोदगवियडेण वा, उच्छोलेज्ज वा, पच्छोलेज्ज वा, पहोएज्ज वा, सिणाविज्ज वा, सिंचिज्ज वा, दारुणा वा, दारुपरिणामं कटु, अगणिकायं उज्जालेज्ज वा, पज्जालिज्ज वा, उज्जालित्ता 2 कायं आयावेज्ज वा पयावेज वा अह भिक्खूणं पुव्योवइट्ठा एस पइण्णा जाव जं तहप्पगारे सागारिए उवस्सए णो ठाणं वा सेज्ज वा णिसीहियं वा चेएज्जा॥६६२॥आयाणमेयं भिक्खुस्स सागारिए उवस्सए वसमाणस्स इह खलु गाहावइ वा जाव कम्मकरीओ वा अण्णमण्णं अक्कोसंति वा पहंति वा रुभति वा उद्दविंति वा अह भिक्खूणं उच्चावयं मणं णियंछेज्जा एए खलु अण्णमण्णं उक्कोसंतु वा मा वा उक्कोसंतु जाव मा वा उद्दवितु / अह भिक्खूणं पुवोवइट्टा एस पइण्णा जाव जं तहप्पगारे सागारिए उवस्सए णो ठाणं वा सेज वा णिसीहियं वा चेए ज्जा // 663 // आयाणमेयं भिक्खुस्स गाहावइहिं सद्धिं संवसमाणस्स इह खलु गाहावइ अप्पणो सअट्ठाए अगणिकायं उज्जालेज्ज वा पज्जालेज्ज वा विज्झावेज्ज वा अह भिक्खू उच्चावयं मणं णियंछेज्जा, एए खलु अगणिकायं उज्जालेंतु वा जाव मा वा विज्झावेंतु अह भिक्खूणं पुव्वोव दिट्ठा जाव जं तहप्पगारे उवस्सए णो ठाणं वा सेज्जं वा णिसीहियं वा चेएज्जा॥ 664 // आयाणमेयं भिक्खुक्स्स गाहावइहिं सद्धिं संवसमाणस्स इह खलु गाहावइस्स कुंडले वा, गुणे वा मणी वा, मोत्तिए वा, हिरण्णे वा, सुवण्णे वा, कडगाणि वा, तुडियाणि वा, तिसरगाणि वा, पालंबाणि वा, हारे वा, अद्धहारे वा, एगावळी वा, मुत्तावली वा, कणगावली वा, रयणावली वा, तरुणियं वा कुमारि अलंकियविभूसियं पेहाए,
