________________ आयारो सु. 2 अ.२ उ. 1 55 धूमिए वा, तहप्पगारे उवस्सए अपुरिसंतरगडे जाव अणासेविए, णो ठाणं वा, सेनं वा, णिसीहियं वा चेएज्जा, अह पुण एवं जाणिज्जा पुरिसंतरगडे जाव आसे. विए, पडिलेहित्ता पमजित्ता, तओ संजयामेव जाव चेए ज्जा // 656 // से भिक्खू वा 2 से जं पुण उवस्मयं जाणिज्जा, असंजए भिक्खुपडियाए खुड्डियाओ दुवारियाओ महल्लियाओ कुजा, जहा पिंडेसणाए जाव संथारगं संथारिज्जा, बहिया वा णिण्णवु तहप्पगारे उवस्सए अपुरिसंतरगडे जाव अणासेविए णो ठाणं वा, सेज्ज वा णिसीहियं वा चेए ज्जा, अह पुण एवं जाणिज्जा पुरिसंतरगडे जाव आसेविए पडिलेहित्ता पमजित्ता तओ संजयामेव जाव चेएज्जा // 657 // से भिक्ख वा 2 से जं पुण उवस्मयं जाणिज्जा, असंजए भिक्खुपडियाए उदगप्पसूयाणि वा, कंदाणि वा, मूलाणि वा, पत्ताणि वा, पुप्फाणि वा, फलाणि वा, बीयाणि वा, हरियाणि वा, ठाणाओ ठाणं साहरइ, पहिया वा णिण्णक्खु तहप्पगारे उवस्सए अपरिसंतरगडे जाव णो ठाणं वा सेज वा णिसीहियं वा चेएज्जा। अह पुण एवं जाणिज्जा, पुरिसंतरगडे जाव चेएज्जा // 658 // से भिक्खू वा, भिक्खुणी वा, से जं पुण उवस्सयं जाणिज्जा, असंजए भिक्खूपडियाए पीढं वा फलगं वा णिस्सेणिं वा उद्हलं वा ठाणाओ ठाणं साहरइ बहिया वा णिण्णक्खु, तहप्पगारे उवस्सए अपु. रिसंतरगडे जाव णो ठाणं वा सेजं वा णिसीहियं वा चेएज्जा, अह पुण एवं जाणिज्जा पुरिसंतरगडे जाव चेएज्जा ॥६५९॥से भिक्खू वा 2 से जं पुण उवस्सयं जाणिज्जा, तंजहाखंधंसि वा मंचंसि वा मालंसि वा पासायंसि वा हम्मियतलंसि वा अण्णयरंसि वा तहप्पगारंसि, अंग्रलिक्खजायंसि, णण्णत्थ आगाढागाढेहिं काररोहिं, ठाणं वा सेज्जं वा णिसीहियं वा चेएज्जा // 660 / / से आहच्च चेइए सिया णो तत्थ. सीओदगवियडेण वा, उसिणोदगवियडेण वा, हत्थाणि वा, पायाणि वा, अच्छीणि वा, दंताणि वा, मुहं वा, उच्छोलेज्ज वा पहोएज्ज वा, णो तत्थ उसढं पगरेज्जा, तंजहा-उच्चारं वा पासवणं वा, खेलं वा, सिंघाणं वा, वंतं वा, पित्तं वा, पूयं वा, सोणियं वा, अण्णयरं वा सरीरावयवं केवली बूया "आयाणमेयं "से तत्थ ऊसढं पगरेमाणे पयलेज वा, पवडेज वा, से तत्थ पयलेमाणे पवडेमाणे वा हत्थं 'वा, जाव सीसं वा अण्णयरं वा कार्यसि इंदियजायं लूसेज्ज वा पाणाणि वा 4 अभिहगेज वा जाव ववरोवेज्ज वा, अह भिक्खूणं पुव्वोवदिट्ठा एस पइण्णा जाव जं तह
