________________ 58 अंग-पविट्ठ सुत्ताणि अह भिक्खूणं पुब्बोवइट्ठा जाव जं तहप्पगारे उबस्सए णो ठाणं चेएज्जा / / 670 // से भिवू वा 2 उच्चारपासवणेणं उव्वाहिज्जमाणे राओ वा वियाले वा, गाहावइकुलस्स दुवारबाहं अवंगुणेज्जा तेणे य तस्संधिचारी अणुपविसेज्जा, तस्स भिक्खुस्स णो कप्पइ एवं वदित्तए "अयं तेणे पविसइ वा णो वा पविसइ, उवल्लियइ वा णो वा उवल्लियइ, आवयइ वा णो वा आवयइ, वयइ वा णो वा वयइ, तेण हडं अण्णेण हडं, तस्स हडं अण्णस्स हडं, अयं तेणे अयं उवरए, अयं हंता, अयं एत्थमकासी," तं तवस्सिं भिक्खं अतेणं तेणं ति संकइ, अह भिक्खूणं पुब्वोवइट्ठा जाव चेएज्जा / / 671 // से भिक्खू वा 2 से जं पुण उवस्सयं जाणिज्जा तणपुंजेसु पलालपुंजेसु वा, सअंडे जाव ससंताणए तहप्पगारे उवस्सए णो ठाणं वा सेज्जं वा णिसीहियं वा चेएज्जा / / 672 // से भिक्खू वा 2 से जं पुण उवस्सयं जाणिज्जा, तणपुंजेसु वा, पलालपुंजेसु वा अप्पंडे जाव चेएज्जा // 673 / / से आगंतारेसु वा, आरामागारेसु वा, गाहावइकुलेसु वा परियावसहेसु वा अभिक्खणं अभिक्खणं साहम्मिए हिं ओवयमाणेहिं णो उवएज्जा // 674 // से आगंतारेसु वा जाव परियावसहेसु वा, जे भयंतारो उडुबद्धियं वासावासियं वा कप्पं उबाइणित्ता तत्थेव भुजो भुजो संवसंति, अयमाउसो! कालाइकंतकिरिया वि भवइ // 675 // से आगंतारेसु वा जाव परियावस हेसु वा, जे भयंतारो उडुबद्धियं वा वासावासियं वा, कप्पं उवाइणावित्ता तं दुगुणा दु(ति)गुणेण वा अपरिहरित्ता तत्थेव भुज्जो भुजो संबसंति, अयमाउसो ! इत्तरा उवट्ठाणकिरिया यावि भवइ // 676 // इइ खलु पाईणं वा पडीणं वा दाहीणं वा उदीणं वा संतेगइया सड्डा भवंति तंजहा गाहावइ वा जाव कम्मकरीओ वा तेसिं च णं आयारगोयरे णो सुणिसंते भवइ तं सद्दहमाणेहि, तं पत्तियमाणेहिं, तं रोयमाणेहिं बहवे समणमाहणअतिहिकिवणवणीमए समुहिस्स तत्थ तत्थ अगारीहिं अगाराइं चेइयाई भवंति, तंजहा-आएसणाणि वा आययणाणि वा देवकुलाणि वा सहाओ वा पवाणि वा पणियगिहाणि वा पणियसालाओ वा जाणगिहाणि वा जाणसालाओ वा सुहाकम्मंताणि वा दब्भकम्मंताणि वा बद्धकम्मंताणि वा,वक्कयकम्मंताणि वा वणकम्मंताणि वा इंगालकम्मंताणि वा कढकम्मंताणि वा सुसाणकम्मंताणि वा संतिकम्मंताणि वा सुण्णागारकम्मंताणि वा गिरिकम्मंताणि वा कंदराकम्मंतागि वा सेलोवट्ठाणकम्मंताणि
