________________ 678 अंग-पविट्ठ सुत्ताणि णं से जमाली अणगारे बलियतरं वेयणाए अभिभूए समाणे दोच्चपि समणे णिग्गंथे सद्दावेइ 2 ता दोच्चंपि एवं वयासी-ममण्णं देवाणुप्पिया ! सेज्जा. संथारए कि कडे कज्जइ ? (एवं वृत्ते समाणे समणा णिग्गंथा बिति-भो सामी! कीरइ) तए णं ते समणा णिग्गंथा जमालि अणगारं एवं वयासी-णो खलु देवाणुप्पियाणं सेज्जासंथारए कडे कज्जइ। तए णं तस्स जमालिस्स अणगारस्स अयमेयारूवे अज्झथिए जाव समुप्पज्जित्था-जण्णं समणे भगवं महावीरे एवं आइक्खइ जाव एबं परूवेइ-एवं खलु चलमाणे चलिए उदीरिज्जमाणे उदीरिए जाव णिज्जरिज्जमाणे णिज्जिण्णे तं णं मिच्छा इमं च णं पच्चक्खमेव दीसइ सेज्जासंथारए कज्जमाणे अकडे संथरिंज्जमाणे असंथरिए जम्हा णं सेज्जा. संथारए कज्जमाणे अकडे संथरिज्जमाणे असंथरिए तम्हा चलमाणेवि अचलिए जाव णिज्जरिज्जमाणेवि अणिज्जिष्णे, एवं संपेहेइ एवं संपेहेत्ता समणे णिग्गंथे सद्दावेइ समणे णिग्गंथे सहावेत्ता एवं वयासी-जग्णं देवाणुप्पिया ! समणे भगवं महावीरे एवं आइक्ख इ जाव परूवेइ-एवं खलु चलमाणे चलिए तं चेव सव्वं जाव णिज्जरिज्जमाणे अणिज्जिणे / तए णं तस्स जमालिस्स अणगारस्स एवं आइक्खमाणस्स जाव परूवेमाणस्स अत्थेगइया'समणा जिग्गंथा एयमबँ सहति पत्तियंति रोयंति, अत्थेगइया समणा णिग्गंथा एयमलैंणो सद्दहति 3, तत्थ णं जे ते समणा णिग्गंथा जमालिस्स अणगारस्स एयमलैं सद्दहंति 3 ते गं जमालि चेव अणगारं उवसंपज्जिता गं विहरंति, तत्थ णं जे ते समणा णिग्गंथा जमालिस्स अणगारस्स एयमठे णो सद्दहति णो पत्तियंति णो रोयंति ते णं जमालिस्स अणगारस्स अंतियाओ कोट्टयाओ चेइयाओ पडिणिक्खमंति 2 ता पुव्वाणुपुव्वि चरमाणा गामाणुगामं दूइज्जमाणा जेणेव चंपाणयरी जेणेव पुण्णभद्दे चेइए जेणेव समणे भगवं महावीरे तेणेव उवागच्छंति 2 ता समणं भगवं महावीरं तिक्खुत्तो आयाहिणं पयाहिणं करेंति 2 ता वंदति णमंसंति 2 ता समणं भगवं महावीरं उवसंपज्जित्ता णं विहरंति // 385 // तए णं से जमाली अणगारे अण्णया कयाइ ताओ रोगायंकाओ विप्पमुक्के हो तुठे जाए. अरोए बलियसरीरे सावत्थीओ णयरीओ कोट्टयाओ चेइयाओ पडिणिक्खमइ 2 ता पुव्वाणुपुटिव चरमाणे गामाणुगामं दूइज्जमाणे जेणेव चंपाणयरी जेणेव पुण्णभद्दे चेइए जेणेव समणे भगवं महावीरे तेणेव उवागच्छइ 2 त्ता समणस्स भगवओ
