________________ 668 अंग-पविट सुत्ताणि समाणे समणस्स भगवओ महावीरस्स अंतियं मुंडे भवित्ता अगाराओ अण. गारियं पव्वइत्तए / तए णं सा जमालिस्स खत्तियकुमारस्स माया तं अणिट्ठ अकंतं अप्पियं अमणुण्णं अमणामं असुयपुव्वं गिरं सोच्चा णिसम्म सेयांगयरोम. कृवपगलंतविलीणगत्ता सोगभरपवेवियंगमंगी णित्तया दीणविमणवयणा करयलमलियव्वकमलमाला तक्खणओलुग्गदुब्बलसरीरलावण्णसुण्णणिच्छाया गयसिरीया पसिढिलभूसणपडतखुण्णियसंचुण्णियधवलवलयपन्भट्ठउत्तरिज्जा मुच्छा. वसण?चेयगुरुई सुकुमालविकिण्णकेसहत्था परसुणियत्तव्व चंपगलया णिव्वत्त महे व्व इंदलट्ठी विमुवकसंधिबंधणा कोट्टिमतलंसि धसत्ति सव्वंगेहि संणिवडिया। तए णं सा जमालिस्स खत्तियकुमारस्स माया ससंभमोवत्तियाए तुरियं कंचण भिगार-महविणिग्गय-सीयल-विमलजलधारपरिसिंचमाणणिव्वावियगाय. लट्ठी उक्खेवयतालियंटवीयणगजणियवाएणं सफुसिएणं अंतेउरपरिजणेणं आसासिया समाणी रोयमाणी कंदमाणी सोयमाणी विलवमाणी जमालि खत्तियकुमारं एवं वयासी-तुमंसि णं जाया ! अम्हं एगे पुत्ते इठे कंते पिए मणुणे मणामे थेज्जे वेसासिए संमए बहुमए अणुमए भंडकरंडगसमाणे रयणे रयणभूए जीविऊसविए हिययणंदिजणणे उंबरपुप्फमिव दुल्लहे सवणयाए किमंग! पुण पासण. याए, तं णो खलु जाया ! अम्हे इच्छामो तुब्भं खणमवि विप्पओगं, तं अच्छाहि ताव जाया ! जाव ताव अम्हे जीवामो, तओ पच्छा अम्हेहि कालगएहि समा. णेहि परिणयवए वड्डियकुलवंसतंतुकज्जमि णिरवयक्खे समणस्स भगवओ महा. वीरस्स अंतियं मंडे भवित्ता अगाराओ अणगारियं पव्वइहिसि / तए गं से जमाली खत्तियकुमारे अम्मापियरो एवं वयासी-तहावि गं तं अम्मयाओ! जण्णं तुम्भे मम एवं वयह तुमंसि गं जाया ! अम्हं एगे पुत्ते इट्टे कंते तं चेव जाव पव्वइहिसि / एवं खलु अम्मयाओ ! माणुस्सए भवे अणेगजाइजरा. मरणरोगसारीरमाणसपकामदुक्खवेयणवसणसओवद्दवाभिभूए अधुवे अणिइए असासए संझब्भरागसरिसे जलबुब्बुयसमाणे कुसग्गजलबिंदुसण्णिभे सुविणग. दंसणोवमे विज्जुलयाचंचले अणिच्चे सडणपडणविद्धंसणधम्मे पुग्वि वा पच्छा वा अवस्सविप्पजहियव्वे भविस्सइ, से केस णं जाणइ अम्मयाओ ! के पुन्वि गमणयाए के पच्छा गमणयाए ? तं इच्छामि गं अम्मयाओ! तुब्भेहि अभणुण्णाए समाणे समणस्स भगवओ महावीरस्स जाव पव्वइत्तए / तए णं
