________________ भगवई स. 9 उ. 33 6 67 य महइमहालियाए इसि० जाव धम्मकहा जाव परिसा पडिगया / तए णं से जमाली खत्तियकुमारे समणस्स भगवओ महावीरस्स अंतिए धम्म सोच्चा णिसम्म हट्ठ जाव हियए उट्ठाए उट्ठेइ उठाए उठेत्ता समणं भगवं महावीर -तिक्खुत्तो जाव णमंसित्ता एवं वयासी-सहहामि गं भंते ! णिग्गंथं पावयणं, पतियामि णं भंते ! णिग्गंथं पावयणं, रोएमि णं भंते ! णिग्गंथं पावयणं, अरुभुढेमि णं भंते ! णिग्गंथं पावयणं, एवमेयं भंते ! तहमेयं भंते ! अवि. तहलेयं भंते ! असंदिद्धमेयं भंते ! जाव से जहेयं तुन्भे वयह, जं णवरं देवाणु. प्पिया! अम्मापियरो आपुच्छामि। तए णं अहं देवाणुप्पियाणं अंतियं मुंडे भवित्ता अगाराओ अणगारियं पव्वयामि, अहासुहं देवाणुप्पिया! मा पडिबंधं // 382 // तए णं से जमाली खत्तियकुमारे समणेणं भगवया महावीरेणं एवं वृत्ते समाणे हद्वतुझे समणं भगवं महावीरं तिक्खुत्तो जाव णमंसित्ता तमेव चाउग्घंटे आसरहं दुरूहेइ दुरूहित्ता समणस्स भगवओ महावीरस्स अंतियाओ बहुसालाओ चेइयाओ पडिणिक्खमइ पडिणिक्खमित्ता सकोरंट० जाव धरिज्जमाणेणं महया भडचडगर जाव परिक्खित्ते जेणेव खत्तियकुंडग्गामे णयरे तेणेव उवागच्छइ तेणेव उवागच्छित्ता खत्तियकुंडग्गामं णयरं मझमज्झेणं जेणेव सए गिहे जेणेव बाहिरिया उवट्ठाणसाला तेणेव उवागच्छइ तेणेव उवागच्छिता तुरए णिगिण्हइ तुरए णिगिव्हित्ता रहं ठवेइ रहं ठवेत्ता रहाओ पच्चोरहइ रहाओ पच्चोरुहित्ता जेणेव अभितरिया उवट्ठाणसाला जेणेव अम्मापियरो तेणेव उवागच्छइ तेणेव उवागच्छित्ता अम्मापियरो जएणं विजएणं वद्धावेइ वद्धावेत्ता एवं वयासीएवं खलु अम्मयाओ ! मए समणस्स भगवओ महावीरस्स अंतियं धम्मे णिसंते, सेवि य मे धम्मे इच्छिए पडिच्छिए अभिरुइए। तए णं तं जमालि खत्तियकुमारं अम्मापियरो एवं वयासी-धण्णेसि णं तुमं जाया ! कयत्थेसि णं तुम जाया ! कयपुणेसि णं तुम जाया! कयलक्खणेसि णं तुम जाया ! जण्णं तुमे समणस्स भगवओ महावीरस्स अंतियं धम्मे णिसंते से वि य धम्मे इच्छिए पडिच्छिए अभिरूइए / तए णं से जमाली खत्तियकुमारे अम्मापियरो दोच्चपि एवं वयासी-एवं खलु मए अम्मयाओ ! समणस्स भगवओ महावीरस्स अंतिए 'धम्मे णिसंते जाव अभिरुइए, तए णं अहं अम्मयाओ ! संसारभयउविग्गे भीए जम्मजरामरणेणं तं इच्छामि गं अम्मयाओ ! तुहिं अब्भणुण्णाए
