Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 679

666 अंग-पविटु सुत्ताणि व्हाया कयबलिकम्मा जहा उववाइए जाव णिग्गच्छंति ? एवं संपेहेइ एवं संपेहित्ता कंचुइज्जपुरिसं सद्दावेइ कंचु० 2 ता एवं वयासी-किणं देवाणुप्पिया ! अज्ज खत्तियकुंडग्गामे णयरे इंदमहेइ वा जाव णिग्गच्छंति ? तए गं से कंचुइज्जपुरिसे जमालिणा खत्तियकुमारेणं एवं वुत्ते समाणे हट्ठतुठे समणस्स भगवओ महावीरस्स आगमणगहियविणिच्छए करयल० जमालि खत्तियकुमारं जएणं विजएणं वद्धावेइ वद्धावेत्ता एवं वयासी-णो खलु देवा. णुप्पिया ! अज्ज खत्तियकुंडग्गामे णयरे इंदमहेइ वा जाव णिग्गच्छंति, एवं खलु देवाणुप्पिया ! अज्ज समणे भगवं महावीरे जाव सवण्णू सवदरिसी माहणकुंडग्गामस्स णयरस्स बहिया बहुसालए चेइए अहापडिरूवं उग्गहं जाव विहरइ, तए णं एए बहवे उग्गा भोगा जाव अप्पेगइया वंदणवत्तियं जाव णिग्गच्छति / तए णं से जमाली खत्तियकुमारे कंचुइज्जपुरिसस्स अंतिए एय. म→ सोच्चा णिसम्म हट्टतुठे० कोडंबियपुरिसे सद्दावेइ कोडुंबियपुरिसे सद्दा. वइत्ता एवं वयासी-खिप्पामेव भो देवाणप्पिया ! चाउग्घंटे आसरहं जुत्तामेव उवटवेह उवद्ववेत्ता मम एयमाणत्तियं पच्चप्पिणह / तए णं ते कोडुंबियपुरिसा जमालिणा खत्तियकुमारेणं एवं वुत्ता समाणा जाव पच्चप्पिणंति / तए णं से जमाली खत्तियकुमारे जेणेव मज्जणघरे तेणेव उवागच्छइ तेणेव उवागच्छित्ता पहाए कयबलिकम्मे जाव उववाइए परिसावण्णओ तहा भाणियत्वं जाव चंदणोकिण्णगायसरीरे सव्वालंकारविभसिए मज्जणघराओ पडिणिक्खमइ मज्जणघराओ पडिणिक्वमित्ता जेणेव बाहिरिया उवट्ठाणसाला जेणेव चाउग्घंटे आसरहे तेणेव उवागच्छइ तेणेव उवागच्छित्ता चाउग्घंटे आसरहं दुरूहेइ चाउ० 2 त्ता सकोरंटमल्लदामेणं छत्तेणं धरिज्जमाणेणं महया भडचडकरपहकरवंदपरि. क्खित्ते खत्तियकुंडग्गामं णयरं मझमज्झेणं णिग्गच्छइ णिग्गच्छित्ता जेणेव माहणकुंडग्गामे णयरे जेणेव बहुसालए चेइए तेणेव उवागच्छइ तेणेव उवागच्छित्ता तुरए णिगिण्हेइ 2 ता रहं ठवेइ रहं ठवेत्ता रहाओ पच्चोरहइ रहा० त्ता पुप्फतंबोलाउहमाइयं वाहणाओ य विसज्जेइ 2 ता एगसाडियं उत्तरासंगं करेइ उत्तरासंगं करेत्ता आयंते चोक्खे परमसुइन्भूए अंजलिमउलियहत्थे जेणेव समणे भगवं महावीरे तेगेव उवागच्छइ तेणे व उवागच्छित्ता समणं भगवं महा. वीरं तिक्खुत्तो आयाहिणं पयाहिणं करेइ 2 ता जाव तिविहाए पज्जुवासणाए पज्जुवासइ / तए णं समणे भगवं महावीरे जमालिस्स खत्तियकुमारस्स तीसे