________________ भगवई स. 9 उ. 33 669 तं जमालि खत्तियकुमारं अम्मापियरो एवं वयासी-इमं च ते जाया ! सरीरगं पविसिट्ठरूवलक्खणवंजणगुणोववेयं उत्तमबलवीरियसत्तजुत्तं विण्णाणवियवखणं ससोहग्गगुणसमुस्सियं अभिजायमहक्खमं विविहवाहिरोगरहियं णिरुवहयउदत्तलठ्ठपंचिदियपडुपढमजोव्वणत्थं अणेगउत्तमगुणेहिं संजुत्तं तं अणुहोहि ताव जाया ! णियगसरीररूवसोहग्गजोव्वणगुणे, तओ पच्छा अणुभूयणियगसरीररूवसोहग्गजोव्वणगुणे अम्हेहिं कालगएहि समाणेहिं परिणयवए वड्डियकुलवंसतंतुकमि णिरवयक्खे समणस्स भगवओ महावीरस्स अंतियं मुंडे भवित्ता अगाराओ अणगारियं पव्वइहिसि / तए णं से जमाली खत्तिय. कुमारे अम्मापियरो एवं वयासी-तहावि गं तं अम्मयाओ ! जण्णं तुब्भे ममं एवं वयह-इमं च णं ते जाया ! सरीरगं तं चेव जाव पव्वइहिसि, एवं खलु अम्मयाओ ! माणुस्सगं सरीरं दुक्खाययणं विविहबाहिसयसंणिकेयं अट्ठियकछुट्ठियं छिराहारुजालओणद्धसंपिणद्धं मट्टियमंडं व दुब्बलं असुइसंकिलिट्ठ अणिट्ठवियसव्वकालसंठप्पयं नहाकुणिमजज्जरघरं व सडणपडणविद्धंसणधम्म पुग्वि वा पच्छा वा अवस्सं विप्पजहियवं भविस्सइ, से केस गं जाणइ, अम्मयाओ! के पुचि तं चेव जाव पव्वइत्तए / तए गं तं जमालि खत्तियकुमारं अम्मापियरो एवं वयासी-इमाओ य ते जाया ! विउलकुलबालियाओ सरिसियाओ सरित्तयाओ सरिव्वयाओ सरिसलावण्णरूवजोव्वणगुणोववेयाओ सरिसहितो कुलेहितो आणिएल्लियाओ कलाकुसलसम्वकाललालियसुहोचियाओ मद्दवगुणजुत्तणिउणविणओवयारपंडियवियक्खणाओ मंजुलमियमहरभणियविहसियविप्पेक्खियगइविलासचिट्ठियविसारयाओ. अविकलकुलसीलसालिणीओ विसुद्धकुलवंससंताणतंतुवद्धणप्पगन्भुन्भवपभाविणीओ मणाणुकूलहियइच्छियाओ अट्ठ तुज्झ गुणवल्लहाओ उत्तमाओ णिच्चं भावाणुरत्तसव्वंगसुंदरीओ भारियाओ, सं अंजाहि ताव जाया ! एयाहिं सद्धि बिउले माणुस्सए कामभोगे, तओ पच्छा भुत्तभोगी विसयविगयवोच्छिण्णकोउहल्ले अम्हेहि कालगएहि जाव पव्वइहिसि / तए णं से जमाली खत्तियकुमारे अम्मापियरो एवं वयासीतहावि गं तं अम्मयाओ ! जणं तुम्भे मम एवं वयह इमाओ ते जाया! •विउलकुल जाव पव्वइहिसि, एवं खलु अम्मयाओ ! माणुस्सया काम भोगा असुई असासया वंतासवा पित्तासवा खेलासवा सुक्कासवा सोणियासवा
