________________ भगवई स. 9 उ. 32 647 एक्को वा दो वा तिण्णि वा उवकोसेणं अट्ठसयं 108 / से तेणठेणं गोयमा ! एवं वुच्चइ-सौच्चा णं केवलिस्स वा जाव केवलिउवासियाए वा जाव अत्थेगइए केवलणाणं उप्पाडेज्जा, अत्थेगइए केवलणाणं णो उप्पाडेज्जा। सेवं भंते ! सेवं भंते ! त्ति // 36 // णवमं सयं बत्तीसइमो उद्देसो तेणं कालेणं तेणं समएणं वाणियग्गामे णयरे होत्था वण्णओ, दूइपलासे चेइए सामी समोसढे, परिसा जिग्गया, धम्मो कहिओ, परिसा पडिगया / तेणं कालेणं तेणं समएणं पासावच्चिज्जे गंगेए णामं अणगारे जेणेव समणे भगवं महावीरे तेणेव उवागच्छइ तेणेव उवागच्छइत्ता समणस्स भगवओ महावीरस्स अदूरसामते ठिच्चा समणं भगवं महावीरं एवं वयासी-संतरं भंते ! णेरइया उववज्जति णिरंतरं रइया उववज्जति ? गंगेया ! संतरंपि रइया उववज्जति णिरंतरंपि रइया उववज्जति / संतरं भंते ! असुरकुमारा उव. वज्जति णिरंतरं असुरकुमारा उववज्जति ? गंगेया ! संतरंपि असुरकुमारा उववज्जति णिरंतरंपि असुरकुमारा उववज्जति, एवं जाव थणियकुमारा / संतरं भंते ! पुढ विवकाइया उववज्जति णिरंतरं पुढविक्काइया उववज्जति ? गंगेया ! णो संतरं पुढविक्काइया उववज्जति णिरंतरं पुढविक्काइया उववज्जति, एवं जाव वणस्सइकाइया, बेइंदिया जाव वेमाणिया एए जहा णेरइया // 370 // संतरं भंते ! णेरइया उन्चट्टति णिरंतरं रइया उव्वटुंति ? गंगेया ! संतरंपि रइया उव्वटुंति णिरंतरंपि रइया उव्वटुंति, एवं जाव थणियकुमारा / संतरं भंते ! पुढविक्काइया उव्वदंति० ? पुच्छा, गंगेया ! णो संतरं पुढविक्काइया उव्वटुंति णिरंतरं पुढविक्काइया उब्वटुंति, एवं जाव वणस्सइकाइया णो संतरं णिरंतरं उव्वद्वंति। संतरं भंते ! बेइंदिया उव्वदृति णिरंतरं बेइंदिया उव्वद्वंति? गंगेया ! संतरंपि बेइंदिया उच्चष्ट्रति णिरंतरंपि बेइंदिया उव्वद्वंति, एवं जाव वाणमंतरा, संतरं भंते ! जोइसिया चयंति० ? पुच्छा, गंगेया ! संतरंपि जोइ. सिया चयंति णिरंतरंपि जोइसिया चयंति, एवं जाव वेमाणिया वि // 371 // कइविहे गं भंते ! पवेसणए प० ? गंगेया ! चउविहे पवेसणए पण्णत्ते तंजहागैरइयपवेसणए, तिरिक्खजोणियपवेसणए, मणुस्सपवेसणए, देवपवेसणए / णेर. इयपवेसणए गं भंते ! कइविहे पण्णत्ते ? गंगेया ! सत्तविहे पण्णत्ते, तंजहा
