________________ 646 अंग-पविटु सुत्ताणि होज्जमाणे तिसु आभिणिबोहियणाणसुयणाणओहिणाणेसु होज्जा, चउसु होज्जमाणे आभि० सुय० ओहि० मणपज्जवणाणेसु होज्जा। से णं भंते !. कि सजोगी होज्जा अजोगी होज्जा ? एवं जोगो उवओगो संघयणं संठाणं उच्चतं आउयं च, एयाणि सव्वाणि जहा असोच्चाए तहेव भाणियवाणि / से णं भंते ! कि सवेयए०? पुच्छा, गोयमा ! सवेयए वा होज्जा अवेयए वा होज्जा / जइ अवेयए होज्जा कि उवसंतवेयए होज्जा खीणवेयए होज्जा ? गोयमा ! णो उवसंतवेयए होज्जा खीणवेयए होज्जा / जइ सवेयए होज्जा कि इथिवेयए होज्जा पुरिसवेयए होज्जा णपुंसगवेयए होज्जा पुरिसणसगवेयए होज्जा ? पुच्छा, गोयमा ! इत्थिवेयए वा होज्जा पुरिसवेयए वा होज्जा पुरिसणपुंसगवेयए वा होज्जा। से णं भंते ! कि सकसाई होज्जा अकसाई होज्जा ? गोयमा ! सकसाई वा होज्जा अकसाई वा होज्जा। जई अकसाई होज्जा कि उवसंत. कसाई होज्जा खीणकसाई होज्जा? गोयमा! णो उवसंतकसाई होज्जा खीणकसाई होज्जा। जइ सकसाई होज्जा से णं भंते ! कइसु कसाएसु होज्जा ? गोयमा ! चउसु वा तिसु वा दोसु वा एक्कमि वा होज्जा, च उसु होज्जमाणे चउसु संजलणकोहमाणमायालोमेसु होज्जा, तिसु होज्जमाणे तिसु संजलणमाणमायालोभेसु होज्जा, दोसु होज्जमाणे दोसु संजलणमायालोभेसु होज्जा, एगंमि होज्जमाणे एगमि संजलणे लोभे होज्जा। तस्स गं भंते ! केवइया अज्झवसाणा पण्णत्ता ? गोयमा ! असंखेज्जा, एवं जहा असोच्चाए तहेव जाव केवलवरणाणदंसणे समुप्पज्जइ। से णं भंते ! केवलिपण्णत्तं धम्मं आघवेज्ज वा पण्णवेज्ज वा परूवेज्ज वा ? हंता गोयमा ! आघवेज्ज वा पण्णवेज्ज वा परू. वेज्ज वा / से गं भंते ! पवावेज्ज वा मुंडावेज्ज वा ? हंता गोयमा ! पव्वा. वेज्ज वा मंडावेज्ज वा / तस्स गं भंते ! सिस्सावि पवावेज्ज वा मंडावेज्ज वा ? हंता पव्वावेज्ज वा मुंडावेज्ज वा, तस्स गं भंते ! पसिस्सावि पव्वा. वेज्ज वा मुंडावेज्ज वा ? हंता पवावेज्ज वा मुंडावेज्ज वा / से गं भंते ! सिज्झइ बुज्झइ जाव अंतं करेइ ? हंता सिज्झइ जाव अंतं करेइ / तस्स णं भंते ! सिस्सावि सिझंति जाव अंतं करेंति ?हता सिझंति जाव अंतं करेंति / तस्स णं भंते ! पसिस्सावि सिझंति जाव अंतं करेंति ? एवं चेव जाव अतं करेंति / से गं भंते ! कि उड्ढे होज्जा? जहेव असोच्चाए जीव तदेक्कदेसभाए होज्जा / ते णं भंते ! एगसमए णं केवइया होज्जा ? गोयमा ! जहणेणं
