________________ भगवई स. 9 उ. 31 645 केवलिपण्णत्तं धम्मं आघवेज्ज वा पण्णवेज्ज वा परूवेज्ज वा? णो इणठे समठे, णण्णत्थ एगणाएण वा एगवागरणेण वा। से गं भंते ! पव्वावेज्ज वा मुंडावेज्ज वा? णो इणठे समठे, उवएसं पुण करेज्जा, से गं भंते ! सिज्झइ जाव अंतं करेइ ? हंता सिज्झइ जाव अंतं करेइ // 367 // से णं भंते ! कि उड्ढं होज्जा अहो होज्जा तिरियं होज्जा ? गोयमा ! उड्ढे वा होज्जा अहे वा होज्जा तिरियं वा होज्जा, उड्ढं होज्जमाणे सद्दावइवियडावइगंधावइमाल. वंतपरियाएसु बट्टवेयडपव्वएसु होज्जा, साहरणं पडुच्च सोमणसवणे वा पंडगवणे वा होज्जा. अहे होज्जमाणे गड्डाए वा दरीए वा होज्जा, साहरणं पडुच्च पायाले वा भवणे वा होज्जा, तिरियं होज्जमाणे पण्णरससु कम्मभूमीसु होज्जा, साहरणं पडुच्च अड्डाइज्ज दीवसमुद्द तदेक्कदेसभाए होज्जा / ते गं भंते ! एगसमए जां केवइया होज्जा ? गोयमा ! जहणेणं एक्को वा दो वा तिणि वा उक्कोसेणं दस, से तेणढेणं गोयमा ! एवं वुच्चइ असोच्चा णं केवलिस्स वा जाव अत्थेगइए केवलिपण्णत्तं धम्म लभेज्ज सवणयाए, अत्थेगइए असोच्चा णं केवलिस्स वा जाव णो लभेज्ज सवणयाए जाव अत्थेगइए केवलणाणं उप्पाडेज्जा, अत्थेगइए केवलणाणं णो उप्पाडेज्जा // 368 // सोच्चा गं भंते ! केवलिस्स वा जाव तप्पक्खिय उवासियाए वा केवलिपण्णत्तं धम्म लभेज्ज सवणयाए ? गोयमा ! सोच्चा णं केवलिस्स वा जाव अत्थेगइए केवलिपण्णत्तं धम्म एवं जा चेव असोच्चाए वत्तव्वया सा चेव सोच्चाएवि भाणियव्वा, णवरं अभिलावो सोच्चेत्ति, सेसं तं चेव गिरवसेसं जाव जस्स गं मणपज्जवणाणावरणिज्जाणं कम्माणं खओवसमे कडे भवइ. जस्स गं केवलणाणावरणिज्जाणं कम्माणं खए कडे भवइ से गं सोच्चा केवलिस्स वा जाव उवासियाए वा केवलिपण्णत्तं धम्म लभेज्ज सवणयाए केवलं बोहिं बुज्झेज्जा जाव केवलणाणं उप्पाडेज्जा। तस्स णं अट्ठमंअट्ठमेणं अणिक्खित्तेणं तवोकम्मेणं अप्पाणं भावेमाणस्स पगइभद्दयाए तहेव जाव गवसणं करेमाणस्स ओहिणाणे समुप्पज्जइ, से गं तेणं ओहिणाणेणं समुप्पणणं जहण्णणं अंगलस्स असंखेज्जइभागं उक्कोसेणं असंखेज्जाई अलोए लोयप्पमाणमेत्ताई खण्डाइं जाणइ पासइ / से णं भंते ! कइसु लेस्सासु होज्जा? गोयमा ! छसु लेस्सासु होज्जा, तंजहा-कण्हलेसाए जाव सुक्कलेसाए / से गं भंते ! कइसु णाणेसु होज्जा ? गोयमा ! तिसु वा चउसु वा होज्जा, तिसु
