________________ भगवई स. 9 उ. 1-30 639 दीवे ? किसंठिए णं भंते ! जंबुद्दीवे दीवे ? एवं जंबुद्दीवपण्णती भाणियव्वा जाव एवामेव सपुव्वावरेणं जंबुद्दीवे 2 चोद्दस सलिला सयसहस्सा छप्पण्णं च सहस्सा भवंतीतिमक्खाया। सेवं भंते ! सेवं भंते ! त्ति // 361 // णवमं सयं बीओ उद्देसो रायगिहे जाव एवं वयासी-जंबुद्दीवे गं भंते ! दीवे केवइया चंदा पभासिसु वा पभासेंति वा पभासिस्संति वा ? एवं जहा जीवाभिगमे जाव-'एगं च सयसहस्सं तेत्तीसं खलु भवे सहस्साइं / णव य सया पण्णासा तारागणकोडिकोडीणं ॥१॥'सोमं सोभिसु सोभिति सोभिस्संति / लवणे णं भंते ! समुद्दे केवइया चंदा पभासिसु वा पभासिति वा पभासिस्संति वा ? एवं जहा जीवाभिगमे जाव ताराओ / धायइसंडे कालोदे पुक्खरवरे अभितरपुक्खरद्धे मणुस्सखेत्ते, एएसु सव्वेसु जहा जीवाभिगमे जाव-' एगससीपरिवारो तारागणकोडिकोडीणं / पुक्खरखे गं भंते ! समुद्दे केवइया चंदा पभासिसु वा 3 ? एवं सम्वेसु दीवसमद्देसु जोइसियाणं भाणियव्वं जाण सयंभरमणे जाव सोमं सोभिस वा सोभिति वा सोभिस्संति वा / सेवं भंते ! सेवं भंते ! ति // 362 // णवमं सयं 3-30 उद्देसो - रायगिहे जावं एवं वयासी-कहि णं भंते ! दाहिणिल्लाणं एगोरुयमणुस्साणं एगोरुयदीवे णाम दीवे पण्णत्ते ? गोयमा ! जंबुद्दीवे दीवे मंदरस्स पव्वयस्स दाहिणेणं चुल्लहिमवंतस्स वासहरपव्वयस्स पुरथिमिल्लाओ चरिमंताओ लवणसमुई उत्तरपुरथिमे णं तिणि जोयणसयाई ओगाहित्ता एत्थ णं दाहिणिल्लाणं एगोरुयमणुस्साणं एगोरुयदीवे णामं दीवे पण्णत्ते, तं गोयमा ! तिण्णि जोयणसयाई आयामविक्खंभेणं णवएगूणवण्णे जोयणसए किंचिविसेसूणे परिक्खेवेणं पण्णत्ते, से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते दोण्हवि पमाणं वण्णओ य, एवं एएणं कमेणं एवं जहा जीवाभिगमे जाव सुद्धदंतदीवे जाव देवलोगपरिग्गहा णं ते मणुया पण्णता समणाउसो ! एवं अट्ठावीसंपि अंतरदीवा सएणं 2 आयामविक्खंभेणं भाणियव्वा, णवरं दीवे 2 उद्देसओ, एवं सब्वेवि अट्ठावीसं उद्देसगा भाणियव्वा / सेवं भंते ! सेवं भंते ! ति // 363 //
