________________ 640 अंग-पविट्ठ सुत्ताणि णवमं सयं एगतीसइमो उद्देसो रायगिहे जाव एवं वयासी-असोच्चा णं भंते ! केवलिस्स वा केवलिसाव. गस्स वा केवलिसावियाए वा केवलिउवासगस्स वा केवलिउवासियाए वा तप्पक्खियस्स वा तप्पक्खियसावगस्स वा तप्पक्खियसावियाए वा तप्पक्खिय. उवासगस्स वा तप्पक्खियउवासियाए वा केवलिपण्णत्तं धम्म लभेज्ज सवणयाए ? गोयमा ! असोच्चा णं केवलिस्स वा जाव तप्पक्खियउवासियाए वा अत्थेगइए केवलिपण्णत्तं धम्मं लभेज्ज सवणयाए, अत्येगइए केवलिपण्णत्तं धम्म णो लभेज्ज सवणयाए / से केण?णं भंते ! एवं बुच्चइ-असोच्चा णं जाव णो लभेज्ज सवणयाए ? गोयमा ! जस्स गं णाणावरणिज्जाणं कम्माणं खओवसमे कडे भवइ से णं असोच्चा केवलिस्स वा जाव तप्पक्खियउवासियाए वा केवलि. पण्णत्तं धम्मं लभेज्ज सवणयाए, जस्स गं णाणावरणिज्जाणं कम्माणं खओवसमे णो कडे भवइ से णं असोच्चा गं केलिस्स वा जाव तप्पक्खियउवासि. याए वा केवलिपण्णत्तं धम्म णो लभेज्ज. सवणयाए, से तेणठेणं गोयमा ! एवं वुच्चइ-तं चेव जाव णो लभेज्ज सवणयाए / असोच्चा णं भंते ! केवलिस्स वा जाव तप्पक्खियउवासियाए वा केवलं बोहि बज्झज्जा ? गोयमा! असोच्चा गं केवलिस्स वा जाव अत्थेगइए केवलं बोहिं बुज्झज्जा, अत्थेगइए केवलं बोहिं णो बुज्झेज्जा। से केणठेणं भंते ! जाव णो बुज्झज्जा ? गोयमा! जस्स गं दरिसणावरणिज्जाणं कम्माणं खओवसमे कडे भवइ से गं असोच्चा केवलिस्स वा जाव केवलं बोहिं बुज्झेज्जा, जस्स गं दरिसणावरणिज्जाणं कम्माणं खओवसमे णो कडे भवइ से णं असोच्चा केवलिस्स वा जाव केवलं बोहिं णो बुज्झज्जा, से तेणठेणं जाव णो बुज्झेज्जा। असोच्चा णं भंते ! केवलिस्स वा जाव तप्पक्खियउवासियाए वा केवलं मुंडे भवित्ता अगाराओ अणगारियं पव्वएज्जा ? गोयमा ! असोच्चा णं केवलिस्स वा जाव उवासियाए वा अत्थेगइए केवलं मुंडे भवित्ता अगाराओ अणगारियं पव्वएज्जा, अत्थेगइए केवलं मुंडे भवित्ता अगाराओ अणगारियं णो पव्वएज्जा। से केणठेणं जाव णो पव्वएज्जा ? गोयमा ! जस्स णं धम्मंतराइयाणं कम्माणं खओवसमे कडे भवइ से णं असोच्चा केवलिस्स वा जाव केवलं मुंडे भवित्ता अगाराओ अण. गारियं पव्वएज्जा, जस्स णं धम्मंतराइयाणं कम्माणं खओवसमे णो कडे भवइ
