________________ 638 अंग-पविट्ट सुत्ताणि गोयं अंतराइयं च भाणियव्वं 4 / जस्स णं भंते ! आउयं तस्स णामं० ? पुच्छा, गोयमा ! दोवि परोप्परं णियम, एवं गोत्तेणवि समं भाणियव्वं / जस्स णं भंते ! आउयं तस्स अंतराइयं० ? पुच्छा, गोयमा ! जस्स आउयं तस्स अंतराइयं सिय अस्थि सिय णस्थि, जस्स पुण अंतराइयं तस्स आउयं णियमा अस्थि 5 / जस्स गं भंते ! णामं तस्स गोयं जस्स गोयं तस्स णाम ? गोयमा ! जस्स णामं तस्स णियमा गोयं, जस्स गोयं तस्स णियमा णाम, गोयमा ! दोवि एए परोप्परं णियमा अस्थि / जस्स णं भंते ! णामं तस्स अंतराइयं० ? पुच्छा, गोयमा ! जस्स णामं तस्स अंतराइयं सिय अस्थि सिय णस्थि, जस्स पुण अंतराइयं तस्स णामं णियमा अस्थि 6 / जस्स णं भंते ! गोयं तस्स अंतराइयं० ? पुच्छा, गोयमा ! जस्स गोयं तस्स अंतराइयं सिय अस्थि सिय णस्थि, जस्स पुण अंतराइयं तस्स गोयं णियमा अस्थि 7 // 356 // जीवे णं भंते ! किं पोग्गली पोग्गले ? गोयमा ! जीवे पोग्गलीवि पोग्गलेवि / से केणठेणं भंते ! एवं वुच्चइ जीवे पोग्गलीवि पोग्गलेवि ? गोयमा ! से जहाणामए छत्तेणं छत्ती, दंडेणं दंडी, घडेणं घडी, पडेणं पडी, करेणं करी, एवामेव गोयमा ? जीवेवि सोइंदियचक्खिदियपधाणिदिजिभिदियफासिदि. याइं पडुच्च पोग्गली, जीवं पडुच्च पोग्गले, से तेणठेणं गोयमा! एवं वच्चइ जीवे पोग्गलीवि पोग्गले वि। णेरइए णं भंते ? कि पोग्गली. ? एवं चेव, एवं जाव वेमाणिए णवरं जस्स जइ इंदियाइं तस्स तइ भाणियब्वाइं / सिद्धे णं भंते ! कि पोग्गली पोग्गले ? गोयमा ! णो पोग्गली पोग्गले / से केणठेणं भंते ! एवं वुच्चइ जाव पोग्गले ? गोयमा ! जीवं पड़च्च, से तेणठेणं गोयमा ! एवं वुच्चइ सिद्ध णो पोग्गली पोग्गले / सेवं भंते ! सेवं भंते ! ति // 360 / / अट्ठमं सयं समत्तं ॥णवमं सयं पढमो उद्देसो॥ जंबुद्दीवे 1 जोइस 2 अंतरदीवा 30 असोच्च 31 गंगेय 32 / कुंडरगामे 33 पुरिसे 34 णवमंमि सए चउत्तीसा // 1 // तेणं कालेणं तेणं समएणं मिहिला णाम णयरी होत्था वण्णओ, माणिभद्दे चेइए वण्णओ, सामी समोसढे परिसा णिग्गया जाव भगवं गोयमे पज्जवासमाणे एवं वयासी-कहि णं भंते ! जंबुद्दीवे
